Bir
Bir mangrupa inuman nu ngandung alkohol 4-6% nu dijieun ngaliwatan brewing process tina bahan barley/malt, kembang hops,gula, cai, jeung bahan nu ngahérangkeun (finings).[1] Bir mangrupa inuman nu ngandung alkohol nu citra rasana asalna tina hiji bahan nu pait, nyaéta hop, sarta meunang tina férméntasi khamir dina maltosa nu meunang tina degradasi enzimatik pati.[2]. Bir ngandung teu leuwih ti 6% alkohol, cai, CO2, mineral jeung asam-asaman sarta bisa disajikeun atawa dijual dina botol, kaléng, atawa barrel.[1] Dasarna mah bir kudu diteundeun di jero rohangan nu suhu udarana 4-7o C, posisi botol nangtung ajeg.[1] Témperatur nu panas pisan atawa tiis pisan bisa ngabalukarkeun bir jadi ruksak.[1] Témperatur nu tiis pisan ngabalukarkeun flat, bir jadi teu ngabudah pisan nalika di kana gelaskeun.[1] Bir bakal karasa seger jeung aya budahan nu cukup nalika disajikeun dina témperatur nu pas, dina gelas nu tiis. Gelas éta kudu enyaan bérésih.[1] Gelas nu kotor, bakal ngajadikeun flat.[1]
Referensi
édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |