Ontohod
| Ontohod | |
|---|---|
| |
| Status konservasi | |
Status konservasi: Rawan
| |
| Klasifikasi ilmiah | |
| Karajaan: | |
| Filum: | |
| Kelas: | |
| Ordo: | |
| Kulawarga: | |
| Génus: | Helarctos
|
| Spésiés: | H. malayanus
|
| Ngaran binomial | |
| Helarctos malayanus | |
Ontohod atawa Biruang Madu (Helarctos malayanus) nyaéta biruang nu habitat utamana di leuweung hujan tropis di Asia Tenggara.
Mun nangtung, ontohod jangkungna bisa nepi ka 1,2 m, anggota pangleutikna dina kulawarga biruang. Beuratna rata-rata 65 kg (nu jalu biasana leuwih badag saeutik batan nu bikang), boga buntut pondok kira ukur 3 cm.
Teu kawas biruang lianna, ontohod mah buluna pondok jeung lemes. Adaptasi ieu sigana luyu jeung iklim habitatna. Awakna pinuh ku bulu nu hideung atawa semu beureum, iwal lebah dadana aya bentuk talapok kuda (u) kelir konéng-oranyeu. Ceulina buleud jeung pondok sedengkeun kuku/cakar Ontohod rada panjang, hampang, bentukna rada kawas arit. Cakar ieu kuat pisan, sok dipaké pikeun ngoréh kulit kai jeung naék tangkal.
Salaku sato nu liar peuting, mun pabeubeurang sakadang Ontohod téh gawéna saré dina dahan kai nu teu pati luhur. ku sabab karesepna dina tatangkalan, di wewengkon nu deukeut ka pakebonan mah Ontohod téh sok dianggap hama, sabab ngaruksak pepelakan, utamana kalapa jeung kakao. Nyirorotna populasi ieu sato gé di antarana ku sabab dianggap hama modél kieu, antukna sok diboro ku para pangebon. Lian ti éta, Ontohod ogé sok diboro pikeun ramuan ubar Cina.
Kadaharan Ontohod mah rupa-rupa, kayaning vertebrata leutik kawas kadal, manuk, jeung mamalia séjénna, sarta bungbuahan, endog, rinyuh, pucuk jambé, sayang nyiruan, serangga, aakaran, kakao, jeung kalapa. ku sabab tetempoanana teu alus, Ontohod mah ngala kadaharanana téh ngagunakeun pangambeuna nu seukeut.
ku sabab teu ngalaman hibernasi, Ontohod mah bisa baranahan sapanjang taun. Biasana, Ontohod anakan sakali hiji, beuratna kira 280–340 g, kalawan mangsa keureuneuh salila 18 bulan. Ontohod nincak sawawa dina umur 3-4 taun.
Di Kalimantan aya hiji subspésiés Ontohod (Helarctos malayanus euryspilus).
Sumber rujukan
édit- Sun Bear, Wikipédia édisi basa Inggris (3 Oktober 2006)
Tumbu kaluar
édit| Wikimedia Commons mibanda média séjénna nu patali jeung Ursus malayanus. |
- ARKive - images and movies of the Malayan sun bear (Helarctos malayanus) Archived 2006-05-07 di Wayback Machine
- Woodland Park Zoo, Seattle, Washington, USA Archived 2005-05-23 di Wayback Machine
- Bear Den Archived 2006-03-31 di Wayback Machine
- Animal Tracks Archived 2006-09-28 di Wayback Machine
- Sun bear at Wellington Zoo Archived 2007-01-01 di Wayback Machine