Blangkon
Blangkon nyaéta tutup sirah anu dipaké ku kaum lalaki minangka bagian ti pakéan tradisional jawa. Blangkon sabenerna wangun praktis ti iket anu mangrupa tutup sirah anu dijieun tina batik.[1] Blangkon dina prinsipna dijieun ti lawon iket atawa udeng ngawangun pasagi opat bujur sangkar.[1] Rubakna kira-kira 105 cm x 105 cm.[1] Anu dipaké sabenerna ngan saparoh lawon hungkul.[1] Ukuran blangkon dicokot ti jarak antara gurat lintang ti ceuli katuhu sarta kénca ngaliwatan dahi anu luhur.[1] Umumna miboga nomer 48 pangleutik sarta 59 pangbadagna.[1]
Blangkon diwangun ti sawatara tipe nyaéta: Ngagunakeun mondholan, nyaéta tonjolan dina bagian tukang blangkon anu ngawangun kawas Ondé-ondeé.[1] Blangkon ieu disebut minangka blangkon gaya Yogyakarta.[1] Tonjolan ieu nandakeun modél buuk lalaki mangsa éta anu mindeng mengkeut buuk panjang maranéhanana di bagian tukang sirah, ku kituna bagian kasebut aya nu nonjol di bagian tukang blangkon. Lilitan buuk éta kudu pageuh sangkan henteu gampang ucul.[1] Modél trepes, anu disebut gaya Surakarta.[1] Gaya ieu mangrupa modifikasi ti gaya Yogyakarta anu mecenghul alatan lolobana lalaki ayeuna buukna pondok. Modél trepes ieu dijieun ku cara ngaput langsung mondholan dina bagian tukang blangkon.[1] Sajaba ti suku Jawa (lolobana asalna ti propinsi Jawa Tengah, DIY, sarta Jawa Wétan), aya sawatara suku lain di Indonésia anu maké iket sirah anu jiga kalayan blangkon jawa nyaéta: suku Sunda (lolobana asalna ti propinsi Jawa Kulon sarta Banten), suku Madura, suku Bali, sarta séjén-séjén.[1]