Careuh bulan
| Careuh bulan[1] | |
|---|---|
| |
| Status konservasi | |
| Klasifikasi ilmiah | |
| Karajaan: | |
| Filum: | |
| Kelas: | |
| Ordo: | |
| Kulawarga: | |
| Génus: | |
| Spésiés: | P. hermaphroditus
|
| Ngaran binomial | |
| Paradoxurus hermaphroditus (Pallas, 1777)
| |
Careuh bulan (Paradoxurus hermaphroditus) nyaéta mamalia saukuran ucing ti kulawarga Viverridae pituin Asia Tenggara jeung Cina kidul. Beurat rata-rata careuh bulan ngan 3,2 kg, panjang awakna 53 cm, sedengkeun buntutna 48 cm. Awakna ieu ditutupan ku bulu rancung kelir hawuk kolot, iwal dina suku, ceuli, jeung sungutna anu hideung.
Ieu sato téh liarna peuting. Najan kawentarna mah beuki bungbuahan (kayaning buah manggah, rambutan, buah kawung, jsb.), careuh bulan sabenerna mah omnivora, sabab beuki ogé serangga jeung sasatoan leutik lianna, kaasup beurit. Pikeun tutuwuhan sabangsaning kawung jeung kopi, careuh bulan téh gedé jasana dina nyebarkeun bibitna. Lian ti di leuweung, ieu sato loba ogé hirup di lingkungan deukeut pilemburan, malah di dayeuh anu aya kénéh tatangkalanana mah ieu sato téh kadang kawénéhan.
Careuh bulan dingaranan 'hérmaprodit' ku sabab boh nu jalu atawa nu bikangna pada-pada boga kelenjar handapeun buntutna nu ngabentuk kanjut. Ieu kelenjar bisa nyemprotkeun cairan anu bauna has mirip bau daun pandan. Cakarna sareukeut, antukna pinter tétérékélan dina tatangkalan atawa wangunan.
Careuh di tatar Sunda mah dibagi kana opat rupa, nyaéta:
- Careuh bulan, anu ciri-cirina pangawakan ageung, warna bulu rada bodas nu dikombinasi sareng warna hideung sok sumawanten dina sirah sareng beungeut.
- Careuh gintung, anu ciri-cirina bulu dikombinasi warna hideung corak loreng.
- Careuh dedes, anu ciri-cirina mirip méong congkok, warna bulu kombinasi belang dina buntutna.
- Careuh ganggarangan, anu ciri-cirina warna bulu rada kacoklatan.
Subspésiés
éditCareuh bulan loba subspésiésna:[1]
- P. h. balicus
- P. h. bondar
- P. h. canescens
- P. h. canus
- P. h. cochinensis
- P. h. dongfangensis
- P. h. enganus
- P. h. exitus
- P. h. hermaphroditus
- P. h. javanica
- P. h. kangeanus
- P. h. laotum
- P. h. lignicolor
- P. h. milleri
- P. h. minor
- P. h. musanga
- P. h. nictitans
- P. h. pallasii
- P. h. pallens
- P. h. parvus
- P. h. philippinensis
- P. h. pugnax
- P. h. pulcher
- P. h. sacer
- P. h. scindiae
- P. h. senex
- P. h. setosus
- P. h. simplex
- P. h. sumbanus
- P. h. vellerosus
Rujukan
édit- Wikipédia basa Inggris. Asian Palm Civet. Dicutat 27 Séptémber 2007.
- ↑ a b Citakan:MSW3 Wozencraft
- ↑ Mustelid Specialist Group (1996). Paradoxurus hermaphroditus. 2006 IUCN Red List of Threatened Species. IUCN 2006. Dipulut ping 12 Méi 2006.
Tumbu kaluar
édit| Wikispecies mibanda émbaran ngeunaan: Paradoxurus hermaphroditus |
| Wikimedia Commons mibanda média séjénna nu patali jeung Paradoxurus hermaphroditus. |
- Animal Diversity Web
- Workforce optimization software Archived 2023-05-26 di Wayback Machine
- CPSB LaunchPad Archived 2023-05-28 di Wayback Machine
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |