Cendrawasih Beureum
| Cendrawasih Beureum | |
|---|---|
| |
| Status konservasi | |
| Klasifikasi ilmiah | |
| Karajaan: | |
| Filum: | |
| Kelas: | |
| Ordo: | |
| Kulawarga: | |
| Génus: | |
| Spésiés: | P. rubra
|
| Ngaran binomial | |
| Paradisaea rubra Daudin, 1800
| |
Cendrawasih Beureum atawa dina ngaran ilmiahna Paradisaea rubra nyaéta sajenis manuk pengicau ukuranana sedeng, kalayan panjang kira-kira 33 cm, ti marga Paradisaéa. Éndemik Indonésia, Cendrawasih Beureum ngan kapanggih di leuweung dataran pendék dina pulo Waigeo sarta Batanta di kabupatén Raja Ampat, propinsi Irian Jaya Kulon.[1]
Manuk ieu boga warna konéng sarta coklat, sarta miboga paruh konéng.[2] Manuk jalu dewasa ukuranana kira-kira 72 cm sarta miboga bulu-bulu hiasan anu warnana beureum getih jeung tungtungna miboga warna bodas dina bagian sisi beuteungna, bulu beungeut boga warna héjo zamrud gelap sarta buntutna miboga dua tali anu panjang ngawangun pilin dobel warnana hideung.[2] Manuk bikang ukuranana leuwih leutik ti batan manuk jalu, jeung beungeutna miboga warna coklat kolot sarta henteu boga bulu-bulu hiasan.[2]
Cendrawasih Beureum nyaéta ngawayuh spésiés. Manuk jalu mikat pasangan ku ritual tarian anu mamérkeun bulu-bulu hiasanna.[2] Sanggeus kopulasi, manuk jalu ninggalkeun bikang sarta mimitian néangan pasangan anu séjén.[2] Manuk bikang nyileumleuman sarta ngasuh anakna sorangan.[2] Cendrawasih Beureum daharna buah-buahan sarta rupa-rupa sarangga.[2]
Dumasar leungitna habitat leuweung anu terus-terusan, sarta populasi jeung daérah di mana manuk ieu kapanggih pohara kawatesan, Cendrawasih Beureum diévaluasikeun minangka manuk anu miboga résiko ampir kaancam di jero IUCN Red List.[2] Manuk ieu kadaptar dina CITES Appendix II.[2]