Empal gentong
Empal gentong nyaéta salah sahiji kadaharan has ti Cirebon, Jawa Kulon.[1] Empal gentong téh ampir sarua jeung gulé, nu ngabédakeunna mah cara masakna, empal gentong diasakan di handapeun hawu nu maké suluh, jeung diasakanna dina gentong nu dijieun tina taneuh liat.[1] Eusina téh biasana mah daging sapi, peujit jeung babat.[1]
Sajarah empal gentong
éditEmpal gentong asalna ti Desa Battembat Kecamatan Tengah Tani, Kabupatén Cirebon.[1] Diaranan empal gentong téh ku sabab saluyu jeung hartina, empal nu ngandung harti daging sapi nu loba lemakna jeung gentong nyaéta tempat ngasakanana.[1]
Istilah empal di Cirebon ngandung harti gulé, lain gepuk atawa kéré.[1] Disebut kitu téh ku sabab ngasakana paling sakeudeung 5 jam dinu jero gentong ku suluh tangkal asem, nu nyababkeun kacida hipu dagingna téh jeung miboga rasa nu has.[1] Gentong taneuh liat nu geus dipaké mangtaun-taun ngajadikeun empal gentong miboga seungit jeung rasa nu has.[1]
Cara nyieunna
éditEmpal gentong miboga bahan dasar daging sapi jeung jeroan, bungbu séjénna kayaning cipati, séréh, salam, jahé, cengkéh jsb.[2] Pikeun nyieun empal gentong téh, kudu dihawu nu maké suluh.[2] kabéh bahan diabuskeun ka jero gentong nu tuluy diantepkeun salila kurang leuwih 5 jam.[1][2] Biasana empal gentong dipidangkeun maké daun kucai nu geus dirajang ipis, empal gentong didahar maké lontong atawa sangu.[1][2] Ditambahan ku cabé garing nu geus digiling jeung biasana dipidangkeun maké kurupuk rambak ( kurupuk kulit munding).[1]
Rujukan
édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |