Emping
Emping nyaéta hiji jenis kadaharan nyamikan anu dijieun ti buah melinjo, emping lain mangrupa kadaharan deungeun pikeun masarakat Indonésia, hususna di Pulo Jawa. Biasana dipaké minangka pelengkap kadaharan kawas loték, soto sarta sajabana.[1] Prosés nyieun emping pohara gampang sarta basajan, nyaéta nyangrai siki melinjo babarengan keusik sarta saterusna dipéprék nepi ka ipis. Parabot anu dipaké ogé basajan, nyaéta anu dawam dipaké.[1] Biasana emping dipasarkeun dina kaayaan atah atawa bisa dicampur jeung hurang atawa kerang pikeun nambahan rasa sarta rupa anu geus digoréng.[1]
Kapunjulan jeung Kahéngkéran édit
Gnetum gnemon geus lila dipikawanoh minangka pepelakan anu mibanda loba mangpaat. Ampir sakumna bagian pepelakan ieu mibanda mangpaat pikeun kahirupan manusa, ti mimitian buah, siki, daun, nepi ka watangna. Daun, buah sarta sikina dawam dikulub atawa dimasak, contona waé sayur haseum sarta tongseng kulit melinjo. Sikina bisa disangrai sarta dijadikeun emping melinjo anu ngeunah. Sedengkeun batangna bisa dipaké minangka bahan papan sarta pakakas rumah tangga anu basajan, sarta dahanna anu garing bisa dimangpaatkeun pikeun kai beuleum. Lobana mangpaat ti pepelakan gnetum gnemon atawa melinjo ieu anu nyieunana loba dibudi dayakan jelema.
Sajaba mangpaat kasebut di luhur, dipercaya ogé yén buah melinjo, hususna sikina, mibanda kandungan nutrisi anu pohara méré mangpaat nyagerkeun panyakit anu disebabkeun ku baktéri. Nurutkeun panalungtikan para ahli buah melinjo ngahasilkeun sanyawa antioksidan. Aktivitas antioksidan ieu mibogakonséntrasi protéin luhur, 9-10 persén dina unggal siki melinjo. Protéin utamana ukuranana 30 kilo Dalton éfeéktif pikeun maéhan radikal bébas anu jadi cukang lantaran sagala rupa panyakit.
Sanajan buah melinjo mibanda mangpaat anu alus dina merangan radikal bébas, tapi mun ngonsumsi anu kaleuleuwihan ogé henteu alus pikeun kaséhatan. Hal ieu kasebut ku sabab melinjo mibanda kandungan anu ngaranna purin, nyaéta zat anu bisa ngabalukarkeun asam urat. Lantaran éta ngonsumsi buah atawa olahan buah melinjo anu kaleuleuwihi. Tapi, lamun henteu dikonsumsi sacara kaleuleuwihan sarta cara ngolahna bener moal ngabalukarkeun asam urat. Mangka saha waé anu resep kana kadaharan atawa olahan ti buah melinjo, contona emping melinjo, kudu tarapti dina meuli sarta ngonsumsi kadaharan anu asalna ti pepelakan gnetum gnemon.[2]