Géhu

Géhu nyaéta salah sahiji kadaharan rahayat Sunda ti baheula pisan. Bahan lulugu, poko anu dipaké nyaéta tahu goréng anu dieusian togé, ilaharna didahar jeung céngék. Ku gumésérna gaya hirup, mangka kiwari aya géhu lada anu leuwih basajan cara ngadaharna, sabab rasa lada geus aya langsung dina jero eusi tauna. Campuran sayuran engkol jeung wortel nambahan jumlah kandungan protéin nabati nua aya dina géhu. Dina basa séjén, géhu mindeng disebut tahu isi (basa Indonésia) atawa tahu susur (basa Jawa).

Géhu

Asal kecap

Dumasar kana kekecapan nu ilahar, géhu mangrupa singgetan tina togé jeung tahu. Hal ieu ku sabab unsur utama géhu nyaéta togé jeung tahu. Di sababaraha wewengkon, géhu ogé nujul kanada dahareun nu béda, nyaéta dagé tahu, nu mangrupa hampas tahu nu bisa dikokolakeun ku cara digoréng atawa dibungkus daun tuluy diseupan.