Tahu

Tahu nyaéta kadaharan nu dijieun tina kacang kadelé nu diférméntasikeun tur dicokot sarina. Béda jeung témpé nu asli ti Indonésia, tahu mah asalna ti Tiongkok, kawas kécap, tauco, bakpau, jeunn baso. Tahu nyaéta kecap serepan tina basa Hokkian (tauhu) (Hanzi: 豆腐, hanyu pinyin: doufu) nu sacara harpiah hartina "kadelé nu diférméntasi". Tahu munggaran mucunghul di Tiongkok nalika jaman Dinasti Han 2200 taun ka tukang. Nu manggihannana nyaéta Liu An (Hanzi: 劉安), bangsawan tur incuna Kaisar Han Gaozu, Liu Bang nu ngadegkeun Dinasti Han.

Tahu

Di Jepang tahu katelah ngaranna tofu. Dibawa ku nu ngumbara ti Tiongkok, dahareun ieu umebar ka Asia Wétan jeung Asia Tenggara, nu ahirna ka saalam dunya.

Kawas témpé, tahu kaohor minangka kadaharan rahayat. Mangragem-ragem rupa tahu nu aya di Indonésia umumna kasohor dumasar tempat nyieunna, misalna tahu Sumedang jeung tahu Kediri.