Gonore
Gonoré mangrupa panyakit anu dibalukarkeun ku baktéri Neisseria gonorrhoeae sarta bisa ngainféksi anggota awak sajaba organ kelamin kawas sungut, panon, éngsél, sarta tulang.[1] Dina lalaki, sakapeung kaluar cairan rada koneng ti organ réproduksina.[1] Dina awéwé, kaluar cairan ti organ réproduksina warna konéng rada kahejo-hejoan.[1] Baktéri Neisseria dipikawanoh gampang bermutasi jadi resistén kana antibiotik.[1] Mangsa inkubasi gonore 2-10 poé sanggeus jaram asup dina awak.[2] Awéwé sarta lalaki homoséksual anu ngalakonan hubungan séks ngaliwatan bujur (anal séx) bisa ngalaman gonore dina rektumna. Nu gering baris ngarasakeun teu merenah di bujurna sarta ti rektumna kaluar cairan. Daérah bujurna kasampak beureum sarta garihal, sarta taina kabungkus ku lendir sarta nanah. Hubungan seksual ngaliwatan sungut (oral sex) jeung nu gering gonore biasana baris ngabalukarkeun gonore dina genggerong (faringitis gonokokal). Umumna infeksi kasebut henteu ngabalukarkeun tanda-tanda, tapi sakapeung ngabalukarkeun nyeri genggerong sarta gangguan pikeun nelen. Tanda-tanda panyakitna nyaéta karasa nyeri, beureum, bareuh, sarta aya nanahan dina rarangan.[2] Dina lalaki mecenghul rasa nyeri waktu kiih, tungtung sirit bareuh sarta jadi beureum.[2] Dina awéwé 60% perkara teu ngalurkeun tanda-tanda.[2] Tapi aya ogé anu ngalaman rasa nyeri dina waktu kiih sarta keputihan kentel anu warnana téh rada kakonéng-konéngan. Panyakit gonore dina lalaki atawa awéwé mindeng pisan ngabalukarkeun kamandulan.[2] Dina awéwé mindeng lumangsung ogé radang bujur.[2] Gonoré anu ditepakeun ti indung ka anakna sabot ngalahirkeun bisa ngabalukarkeun jadi lolong. Ku alatan iru, gonore kudu geura-giru ditungkulan kalayan intensif.
Rujukan
édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |