Hemiptera
| Bugs | |
|---|---|
_(21126763991).jpg)
| |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | Hemiptera
|
Hemiptera nyaéta salah sahijo ordo sasatoan tina Kelas gegeremet (Insecta).[1] Cicadas, simeut jeung kutu daun mangrupa anggota tina ordo ieu.[2] Kelompok ieu mangrupa ordo gegeremet nu gedé pisan, diwangun ku antara 75.000 spésiés di sakabéh benua.[3] kira-kira 1.700 di antarana bisa kapanggih di kapuloan Inggris.[3] Loba di antara sato ieu pada béda nu hiji jeung séjéna, ngan sakabéh sato ieu miboga sungut panojos nu bisa nyedot cai tina tutuwuhan atawa sasatoan, biasana tutuwuhan.[3] Sungut soto ieu nu miboga wangun pamatuk biasana aya dina handapeun awak nalika teu dipaké.[3] Gegeremet tina golongan ieu rupa-rupa pisan boh tina ukuran, wangun jeung warna.[4] Aya kira-kira 6000 spésiés kaidentifikasi di Australia, ti mimiti ukuran 1-110 miliméter panjangna.[4] Salaku parasit tutuwuhan, sababaraha bug - saperti kutu daun mangrupa hama pertanian nu serius, lain hungkul sabab ieu sato ngaruksak tutuwuhan ngan bisa nularkeun virus panyakit ogé.[3] Ngan, sabagian tina ieu sato lain hama.[3]
Hemiptera sok miboga antena panjang nu kabagi kana sajumlah sajumlah leutik ségmén, jeung jangjang hareupna rada teuas.[3] Sababaraha Hemiptera nyarupaan Kumbang, ngan kumbang teu miboga sampul jangjang nu patumpuk.[3]
Babagian
éditHemiptera kabagi kana 3 Subordo, nyaéta kumbang sajati (Heroptera); Hopper (Auchenirrhyncha) jeung kutu daun, gegeremet skala; Lerp jeung kumbang nu miboga tipung (Sternorrhincha).[4]
Heteroptera
éditHeteroptera miboga jangjang hereup nu teuas di dasarna jeung membran na tungtungna.[4] Beuteungna darat jeung nyumputkeun membran jangjang tukangna.[4] Hulu jeung antena bisa leuleus dipajukeun.[4]
Auchenorrhyncha
éditMiboga jangjang hareup nu sarupa dina tekstur jeung aya nyarupaan tenda luhureun beuteung.[4] Hulu jeung antena nunjuk ka handap jeung balik deui.[4]
Sternorrhyncha
éditBiasana miboga awak nu lemes jeung sabagian gedé spésiesna boga jangjang.[4] Ieu sato sok nutupan manéhna ku lilin atawa budah nu nyegah awak lemesna jadi garing.[4]
Referensi
édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |