Ciri pisik lodaya gumantung kana subspésiésna. Sacara umum, nu [[jalu]] beuratna 150 - 310 [[kilogram|kg]] (330 lb - 680 lb), sedengkeun nu [[bikang]] 100 – 160 kg (220 lb - 350 lb). Panjangna, nu jalu 2.6 - 3.3 [[méter]] (8'6" - 10'9"), sedengkeun nu bikang 2.3 - 2.75 méter (7'6" - 9'). Ti antara subspésiés lodaya nu aya, Lodaya Corbetts téh nu pangleutikna, sedengkeun nu pangbadagna mah Amur.{{fact}}
Warna dasar bulu lodaya nyaéta antara [[konéng]] nepi ka semu [[beureum]], kalawan bodas lebah [[dada]], [[beuheung]], jeung sela [[suku]]. Varian résésif nu ilahar nyaéta [[lodaya Bodas|bodas]], nu bisa borojol ti campuran nu cocog; bodas ieu lain [[albino]]. Lodaya hideung [[melanisme|melanistik]] ogé kungsi kabéjakeun, tapi conto hirupna teu kungsi karékam. Aya ogé lodaya emas ([[basa inggris|Ing.]] ''golden tabby tigers'', ''golden tigers'', atawa ''tabby tigers'') nu buluna warna emas nu leuwih caang batan [[warna]] lodaya biasa, sedengkeun welangna [[coklat]]. Variasi warna ieu jarang pisan, nu ukur aya di panginguan.{{fact}}
Polét lodaya warnana rupa-rupa, ti hawuk nepi ka hideung meles. Bentuk jeung kandelna béda gumantung subspésiésna, ilaharna leuwih ti saratus polét (Lodaya Jawa mibanda polét nu leuwih loba). Pola welang lodaya unik béda di unggal sato, antukna bisa dipaké pikeun ngabédakeun hiji hijina, sakumaha [[sidik ramo]] dipaké pikeun ngabédakeun hiji jalma. Tapi, cara ieu teu dipiresep alatan héséna ngarékam pola welang lodaya liar. Welang ieu kamungkinan penting pikeun kamuflase, antukna lodaya bisa nyumputkeun manéh ti mangsana.{{fact}}
