Jet nyaéta grup musik rock asal Australia nu dibentuk taun 2001[1]. Grup musik ieu miboga opat personil, di antarana Cameron Muncey (gitaris), Mark Wilison (bassis), Nic Cester jeung Chris Cester (vokal/gitar ritem jeung drummer)[1]. Ieu grup musik kabentuk nalika Nic jeung Chris Cester mirengkeun lagu-lagu classic rock éra 1960-an jeung 1970-an saperti The Who, AC/DC, The Easybeats, Faces, The Loved Ones, The Rolling Stones, The Beatles jeung John Lennon[1]. ti saprak harita, Cester sadulur meunang inspirasi pikeun nyieun grup musik terus ngajak Cameron Muncey, salah sahiji babaturan Nic sangkan ngiluan. Taun 2002, Cameron Muncey asup jadi bassis Jet[1].

Jet keur konsér

Karir édit

Tanggal 7 Désémber 2003, Jet ngaluarkeun album perdanana, Get Born[1][2]. Sanggeus ngarilis ieu album, Jet kudu tampil di 200 panggung dina sataun[1]. Eusi laguna di antarana Last Chance, Are You Gonna Be My Girl, Rollover DJ, Look What You've Done, Get What You Need, Move On, Radio Song, Let Me Outta Here Cold Hard Bitch, Come Around Again, Take It or Léave It, Lazy Gun, jeung Timothy[2].

Taun 2006, Jet ngarilis album anu ngaranna Shine On kalayan single put your money where your mouth is[1]. Album shine on eusina 15 lagu. Ngan album shine on can bisa ngéléhkeun album get born[1]. Eusi albumna di antarana: L'esprit D'escalier , Holiday , Put Your Money Where Your Mouth Is, Bring It on Back, That's All Lies, Hey Kids, Kings Horses , Shine On, Come On, Come On, Stand Up, Rip It , Skin and Bones , Shiny Magazine, Eléanor, All You Have to Do[2].

Tanggal 29 Agustus 2009, Jet ngarilis album Shaka Rock[1][2]. Lagu-laguna di antarana: K.I.A (Killed in Action), Béat on Repéat, She's a Genius Lyrics, Black Héarts (On Fire), Seventeen, La Di Da , Goodbye Hollywood, Walk, Times Like This, Let Me Out, Start the Show, She Holds a Grudge. Lagu anu judulna seventeen meunang panglélér lantaran penjualanana anu di handap 35.000 kopi[2].

Référénsi édit

  1. a b c d e f g h i Jet Band-kapanlagi.com (diaksés tanggal 27 Oktober 2011)
  2. a b c d e Diskografi jet Archived 2011-10-29 di Wayback Machine(diaksés tanggal 27 Oktober 2011