Kalawarta (program tipi)

Kalawarta nyaéta hiji program berita di TVRI Jawa Barat. Luyu jeung ngaranna, berita nu dipidangkeunana maké basa Sunda, tur eusina sawaréh ngeunaan seni budaya Sunda sarta kuliner nu aya di Priangan. Ieu program téh boga tujuan pikeun méré informasi jeung édukasi ka masarakat pamiarsa panyatur basa Sunda, ngaliwatan pidangan warta.

kalawarta TVRI Jawa Barat

Program Berita Kalawarta dijieun di TVRI Jawa Barat basa Kepala Stasiun TVRI Jawa Baratna urang Sunda, Ibu Imas taun 1995-an. Nepi ka kiwari, Kalawarta maneuh midang di TVRI Jawa Barat unggal jam 3 soré nepi ka satengah 4 soré. Salah sahiji nu ngabédakeun Program Berita Kalawarta jeung Program Berita Jabar dalam Berita di TVRI Jawa Barat, penyiarna biasana ngoméntaran sakur berita nu dibacakeunana. Éta sababna, penyiarna umumna kudu paham atawa apal kana kaayaan di wewengkon Jawa Barat malar ngoméntaran beritana enya-enya nyoko kana matéri nu dibacakeunana.^[rujukan?]

Hal séjénna deui, berita Kalawarta, biasana nyokot tina berita nu dikirimkeun ku kontributor TVRI Jawa Barat keur Program Berita Jabar dalam Berita terus ditarjamahkeun. Tapi kalan-kalan aya ogé bérita nu dijieun husus ku kontributorna keur Program Kalawarta, lengkep jeung wawancara basa Sunda. Ti Januari 2015 nepi ka kiwari, nu nyekel éta program kaasup nu narjamahkeunana ayeuna nyaéta Bernas Tampubolon jeung Aam Permana S. Ari nu disebut panungtung, samemeh nyekel gawe di TVRI Jawa Barat, kungsi jadi wartawan HU Pikiran Rakyat jeung Koran Sunda Galura, mangsa pingpinanana dicekel ku H. Us Tiarsa. Aam Permana S, di Galurana saangkatan jeung Nanang Supriatna nu ayeuna jadi Redpel Galura, sarta H. Usman Supendi nu kiwari jadi dosen di UIN Sunan Gunung Djati Bandung jeung UNINUS.^[rujukan?]

Tumbu luar

• Program Kalawarta TVRI Jawa Barat Archived 2016-04-14 di Wayback Machine

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.