Mun ditingali tina kecapna, karét geulang diwangun ku dua kecap nyaéta karét jeung geulang. Aya kecap karét lantaran karét geulang ieu téh dijieun tina karét. Dina wangunna gé da bisa disebut karét anu boga pasipatan melar. Kecap geulang ngawakilan rupa karét geulang ieu anu siga tali buleud euweuh pegatna, estuning buleud euweuh putus-putusna ti tungtung ka tungtung, gedé buleudna téa saukuran jeung pigeulang leungeun jelema dewasa.