Kecap panengah

Kecap panengah (aksara Sunda baku: ᮊᮨᮎᮕ᮪ ᮕᮔᮨᮍᮂ, palapalan basa Sunda: [kəcap panəŋah]) nyaéta kosakecap basa Sunda anu digunakeun pikeun gunem catur atawa ngomongkeun jelema anu pangkat sarta kalungguhannana leuwih handap tapi umurna leuwih kolot, baheula jinis kosakecap ieu mibanda ragam basana sorangan nyaéta "basa panengah", ieu kecap wangenannana sok dipahilikeun jeung kecap sedeng. Kaayeunakeun, biasana kecap-kecap panengah sok dipaké dina ragam basa loma jeung dianggap minangka kabeungharan kecap tina kecap loma atawa bisa ogé digunakeun dina ragam basa hormat ka sorangan.

Daptar kecap sulur basa Sunda dina buku Tata Bahasa dan Ungkapan Bahasa Sunda anu mangrupa tarjamahan ku Ayatrohaedi tina buku Spraakkunst en Taaleigen van het Soendaasch jieunan J. Kats anu dibantuan ku M. Soeriadiradja dumasar kana undakannana. Dina tingkat basa panengah, kecap sulur nu dipaké nyaéta "kula", "kuring", "jisim kuring", "manéh", "anjeun" jeung "juragan".

Dina kamus-kamus basa Sunda, kecap panengah sok ditandaan ku pan.

Kosakecap

Di handap ieu mangrupa conto kecap panengah (anu dikandelan) jeung sasaruaannana dina kecap loma jeung kecap lemes.

Loma	Panengah	Lemes
balik	mulang	mulih
reuneuh	kakandungan	bobot
ngajuru	ngalahirkeun	ngababarkeun
paéh	maot	pupus
nempo	mireungeuh	ningali
ngadéngé	ngareungeu	ngadangu
nepi	cunduk	dugi

Tempo ogé

• Kecap loma
• Kecap cohag

Rujukan

Daptar Pabukon

• Coolsma, S. (1985) [1904]. Tata bahasa Sunda. Jakarta: Djambatan. OCLC 13986971. 
• Ardiwinata, D.K. (1984) [1916]. Tata Bahasa Sunda. Jakarta: Balai Pustaka. OCLC 559541903. 
• Satjadibrata, R. (2011). Kamus Sunda-Indonesia (3 ed.). Bandung: Dunia Pustaka Jaya. ISBN 978-979-419-889-6. OCLC 958849456. 

Tutumbu luar

Tempo Kategori:Kata panengah dina Wikikamus, kamus bébas.