Kicimpring
Kicimpring nyaéta kadaharan has Sunda nu dijieun tina sampeu.[1] Ieu kadaharan geus dijieun ti jaman baheula mula, salah kitu nepi ka kiwari masih kénéh loba nu mikaresepna.[1] Kicimpring téh masih kénéh diproduksi utamana di Babakan Bandung, Désa Pagerwangi, Kecamatan Lembang, Kabupaten Bandung Kulon.[1] Di dinya produksi kicimpring dipigawé ku leuwih ti 20 kulawarga.[1] Ari bahan baku nyieun ieu kicimpring téh nyaéta sampeu, bawang bodas, bawang beureum, bawang daun, céngék, uyah, jeung panyedap.[1]
Lembur kicimpring
éditDi wewengkon Bandung aya lembur nu katelah lembur kicimpring, lantaran di ieu lembur masih kénéh nyieun kicimpring dina jumlah nu loba keur jualeun.[1] Ieu lembur kicimpring téh ayana di punclut pasir.[1] Padumukan wargana dikurilingan ku kebon nu mayakpak sayuran satungtung deuleu, hususna mah kebon céngék, salah sahiji bungbu wajib pikeun nyieun kicimpring.[1] Lemburna nyaéta Babakan Bandung, Désa Pagerwangi, Kecamatan Lembang, Kabupaten Bandung Kulon.[1][2] Di buruan warga téh geus lumbrah patingjaléjér nampan awi baradag nu ditaplokan kicimpring nu keur dipoé.[1] Di unggal imah, aya dapur husus pikeun nyieun kicimpring.[1]
Prosés nyieun
éditTujuh rawu adonan kicimpring diteundeun kana loyang buleud.[1] Sanggeus digépéngkeun, adonan kicimpring diorétan ku garpuh.[1] Tuluy nangkubkeun loyang nu eusina adonan ka luhureun panci nu aya caian ngagolak.[1] Dua menit satuluyna loyang panas diangkat ti luhureun panci.[1] Adonan kicimpring nu geus beyé jeung ngahiji lantaran geus diseupan tuluy dipindahkeun kana nampan awi pasagi nu badag pikeun dipoé.[1] Butuh waktu sapoé jeput pikeun ngagaringkeun ieu adonan kicimpring sangkan siap dijual.[1] Éta gé mun halodo, mun manjing usum ngijih mah butuh dua poé.[1] Sakintal sampeu biasana mah jadi 30 kilogram kicimpring nu siap jual.[1]
Rujukan
édit- ↑ a b c d e f g h i j k l m n o p q r s "Renyahnya Kicimpring Sunda Dari Kampung Babakan - Tribunnews.com" (dalam bahasa id-ID). Tribunnews.com. http://www.tribunnews.com/lifestyle/2012/02/20/renyahnya-kicimpring-sunda-dari-kampung-babakan. Diakses pada 2017-10-12
- ↑ "Dari Sinilah Kicimpring yang Dijual Asongan di Jalan Pasteur Berasal" (dalam bahasa id). Pikiran Rakyat. 2016-07-03. http://www.pikiran-rakyat.com/bandung-raya/2016/07/03/dari-sinilah-kicimpring-yang-dijual-asongan-di-jalan-pasteur-berasal-373770. Diakses pada 2017-10-12
|
Artikel ngeunaan dahareun jeung inuman ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |