Kiripik jagong
Ari kiripik jagong nyaéta kadaharan nu dijieun tina tipung jagong nu digoréng na minyak atawa digarang, biasana mah bentukna paranjang leutik atawa kotak rarubak atawa ogé jurutilu.[1] Kiripik jagong nu garing, nyakrék sarta rada kasar téksturna.[1] Ari kaambeuna, kiripik jagong mah seungit sarta rasa beuleum jagongna melenghir, jeung deuih sok dipurulukan uyah atawa samara husus.[1] Ari kiripik jagong sok didahar ogé dicoélkeun kana saos.[1]
Cara nyieun
éditPikeun nyieun kiripik jagong téh, sadiakeun bahan kayaning jagong amis, tipung tarigu,mantéga, endog hayam, aci kawung,bungbu bubuk balado pikeun palengkep, uyah,jsb.[2] Mimitina, campurkeun sakabéh bahan jadi sawadah ukuran sedeng tuluy galo ku leungeun nepi ka adonanna ngaguruntulan, geus kitu giling adonan ku gilingan ti mimiti ukuran badag nepi ka jadi adonan nu lemes.[2] Sanggeus digiling mah tuluy gépéngkeun, bentuk jadi wangun jurutilu atawa pasagi.[2] Tuluy panaskeun minyak tuluy goréng adonan na seuneu sedeng nepi ka asak, angkat engkeunkeun, keur palengkep biasana dipurulukan ku bubuk balado.[2]
Rujukan
édit- ↑ a b c d CMEC Food Machinery: Food Process Engineering, Fruit,Vegetable,Dairy, Packaging Equipment. Corn Chips Processing Archived 2015-07-28 di Wayback Machine. Ditempona tanggal 20 Mei 2017.
- ↑ a b c d Resep Nasional. Resep Membuat Keripik Jagung Balado Renyah. Ditempona tanggal 20 Mei 2017.