Kompas
Kompas/kom·pas / nyaéta hiji alat anu di jerouna aya jarum magnét/semprani anu dimangpaatkeun pikeun nunjukkeun ka lebah kalér/kalérna mahnét bumi.[1] Jaman baheula cara gawé Kompas semprani ku jalan maké semprani nétral anu digantungkeun, ku lantaran ayana pangaruh semprani bumi/alam dunya antukna lalaunan ieu semprani doyong nunjukkeun ka beulah kalér. Pamaggih anu mertélakeun di mana jarum semprani nunjukna ka lebah kaléreun semprani alam dunya dumasar pamaggihna urang Cina anu dijéntrékeun dina buku Loven Heng. Mangsa abad ka salapan, urang Cina mah geus mekarkeun ieu kompas ku mangrupa jarum anu bisa ngambang jeung muter. Pamayang Pérsia manggihan kompas ti urang Cina satuluyna mah ieu kompas téh jadi barang dagangan dinagarana. Cunduk kana waktu dina taun 1877 William Thomson salah saurang urang Inggris, 1st Baron Kelvin(Lord Kelvin) nyieun kompas anu leuwih hadé tur dimangpaatkeun ku loba nagara. ku lantaran kompas saméméhna loba kakurangan utamana dina mangsa nunjukkeun arah masih loba parbédaan tina kaayaana ku alatan kapangaruhan/kaganggun ku beusi anu mangrupa bahan-bahan pikeun ngawangun kapal anu beuki dieu beuki loba ngamangpaatan beusina.
Umumna hiji kompas diwangun ku 3 komponen kompas, kahiji kompas, kadua jarum magnét, jeung katilu skala arah mata angin. Awak kompas gunana pikeun mungkus tur ngalindungan komponen penting kompas. Jarum magnét dipasang kalawan taliti sangkan bisa lancar usik jeung muter mangsana ditempo horizontal. Skala panunjuk umumna mangrupa buleudan 360° jeung arah mata angin.[2].
Sajarah
éditAsal muasal kompas nyaéta ti Cina dimimitian ku Dinasti Han, dijieun tina batu semprani nyaéta bijih beusi semprani anu aya di alami. Satérusna Dinasti Song ngamangpaatkeun ieu Kompas pikeun nuduhkeun lebah-lebah jajalaneu nu baris disorang. Dina taun 1300 ngaronjat kana kapanggihna kompas garing anu dijieun tina jarum beusi, di Eropa mimiti dimekarkeun.[3] teu lila disusul ku Perancis.
Cara ngagunakeun
éditNgagunakeun ieu kompas kudu didatarkeun/horozontal. Ieudimaksud supaya jarum semprani anu aya di jeroeuna bisa laluasa usik dina mangsa horizontal éta jarum kompas bakal nunjukkeun lebahna kalér-kidul magnét bumi. Laluasa jeung henteuna ieu jarum kompas usik, bakal mangaruhan ogé kana pancég jeung henteuna éta jarum nujukeun [4].
Dipaké dina Pertambangan
éditDi kota massa, Italia Kompas munggaran dipaké alat pikeun nuduhkeun lebahlebahna liang torowongan sajeroeun taneuh ku jalan nuturkeun jarum semprani anu ngambang dipaké minangka Panungtun pikeun nangtukeun arah torowongan.[5] Ieu kompas salah sahiji alat anu wajib dipaké ku panambang di Tyrol sajeroning maranéhna digawe sarta paragi néangan tempat pikeun saterusna, hal iaeu ogé dipedar hiji tulisan ku pertambangan Jerman Rülein von Calw (1463-1525) hiji pajangjian nu nétélakeun kagunaan tina kompas dina sajeroeun gawé dina taneuh,[6]
Tutumbu Kaluar
édit| Wikimedia Commons mibanda média séjénna nu patali jeung Kompas. |
- How to Make a Compass Archived 2008-12-30 di Wayback Machine Audio slideshow from the National High Magnetic Field Laboratory
- Paul J. Gans, The Medieval Technology Pages: Compass Archived 2003-12-16 di Wayback Machine
- Evening Lecture To The British Association At The Southampton Meeting on Friday, August 25, 1882 [1]. Refers to compass correction by Fourier series.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Dicutat Tina
édit- ↑ Kompas hartina Archived 2015-09-12 di Wayback Machine
- ↑ Bagéan-bagéan Kompas
- ↑ [L. de Saussure: L'origine de la rose des vents et l'origine de la boussole. Genf 1923]
- ↑ Ngagunakeun Kompas
- ↑ Karl-Heinz Ludwig, Volker Schmidtchen: Propyläen Technikgeschichte. Metalle und Macht 1000-1600, Berlin 1997, p.62-64 ISBN 3-549-05633-8
- ↑ Karl-Heinz Ludwig, Volker Schmidtchen: Propyläen Technikgeschichte. Metalle und Macht 1000-1600, Berlin 1997, p.64 ISBN 3-549-05633-8