Korong
Korong nyaéta lého anu garing dina jero irung.[1] Nu mana ieu korong pasti dipiboga ku unggal jalma.[2] Korong téh mangrupa kokotor tina hasil saringan bulu irung sarta lého tina asupna mangrupa-rupa partikel.[2] Lantaran lého miboga peran minangka panghalang éféktif pikeun nyegah bayah kaasupan partikel bahaya nu bisa ngaruksak.[2] Peta ngorékan korong disebut ngorong.
.jpg)
Prosés bebentukan édit
Mimitina mah asalna tina lého, cairan liket, sarta kintel nu diproduksi ku salaput mucus di jero irung. Ieu lého mangrupa bagian tina sistem patahanan panghareupna dina awak manusa pikeun nyegah tina inféksi.[2]
Unggal nyeuseup hawa liwat irung, tangtuna pirang-pirang partikel anu aya sabudeureun asup kana irung, kayaning kekebul, kokotor, serbuk sari, baktéri, jeung virus. Mun éta arasup nepi kana bayah, mangka bisa nyumebabkeun iritasi, inféksi, jeung meureun bisa jadi karuksakan nu serius. Tapina lého nahan ieu banda ahéng laleutik jeung ngajegatna supaya teu biasa asup ka tempat-tempat nu bisa ngabahayakeun.[2]
Kandungan édit
Lého sabagian gedéna mah kabentk tina cai jeung polisakarida nu disebut musin nu ngajadikeun cairan liket. Zat séjén ogé aya, kaasup énzim, ko-énzim jeung antibodi nu ngamimitian sistem kakebalan awak. Jeung kira saparapat liter lého diproduksi unggal poé, malah mah mun keur salésma mah leuwih loba produksina, sabab perluna nyingkahan leuwih loba kuman.[2]
Ari lého asalna mah warnana hérang atawa bodas, ngan jadi miwarna téh sabab kakiruhan ku kokotor, kekebul, haseup bako, jeung énzim nu miboga peran pikeun mroduksi bahan kimia antiséptik nu ngalawan kuman.[2]
Tempat nyaliara édit
Korong nyaliara dina bulu-bulu irung nu disebut cilia, mibanda peran dina mindahkeun lého kaluar tina solobong irung, nu antukna nyangsang dina bulu irung. Ieu jadi méré lolongkrang pikeun lého dina néwakan leuwih lobga kuman jeung kokotor. Bulu irung ogé ngocorkeun lého nika kaluar tina solobong irung, nikakeun umumna jalma mah sok nyingsingkeun éta lého anu ngocor, da dianggap geuleuh jeung teu mantes. Aya alesan anu kuat di mana urang ulah pati kaleuleuwihi dina ngorong, lantaran ieu korong atawa lého téh mangrupa panyaring kuman nu aya dina irung, mun kaleuleuwihi dina miceun korong jeung lého, bisa waé ngabalukarkeun kaluarna getih tina irung.[2]
Rujukan édit
- ↑ Media, Kompas Cyber (2014-12-05). "Jangan Pakai Jari Tangan untuk Bersihkan Kotoran Hidung - Kompas.com" (dalam bahasa en). KOMPAS.com. https://lifestyle.kompas.com/read/2014/12/05/070500023/Jangan.Pakai.Jari.Tangan.untuk.Bersihkan.Kotoran.Hidung. Diakses pada 2018-09-04
- ↑ a b c d e f g h "What Are Boogers and What Causes Boogers?". Bright Hub. Diakses tanggal 2018-09-04.