Lauk emas

Pikeun kagunaan séjén, tempo Lauk emas (disambiguasi).

Lauk Emas
Status konservasi
Status konservasi: Aman
Klasifikasi ilmiah
Karajaan:	Animalia
Filum:	Chordata
Kelas:	Actinopterygii
Ordo:	Cypriniformes
Kulawarga:	Cyprinidae
Génus:	Cyprinus
Spésiés:	C. carpio
Ngaran binomial
Cyprinus carpio (Linnaeus, 1758)

Lauk Emas (Cyprinus carpio, basa Inggrisna common carp, lain goldfish) mangrupa lauk darat nu paling sumebar di sakuliah dunya, anggota famili Cyprinidae. Lauk nu asalna ti Asia jeung Éropa ieu bisa tumuwuh nepi ka panjangna 1,2 méter, beurat 37,3 kg), sarta umur 47 taun. Nu liar biasana mah leuwih leutik, paling 20% - 33% ti ukuran maksimum. Koi (鯉魚 dina basa Cina, 錦鯉 dina basa Jepang) mangrupa varietas nu asalna ti Cina, tapi jadi kawentar di Dunya Kulon ngaliwatan Jepang.

Najan toléran kana rupa-rupa kaayaan, lauk emas leuwih resep cicing dina cai nu lega tur tenang, kalawan dasar nu lemes tur ngandung tutuwuhan cai. Di tempat asalna nu iklimna sedeng, lauk ieu resep dina cai nu pH-na 7-7,5, kasadahan 10-15 dGH, sarta hawa 3-24°C. Lauk ieu karesepna ngagorombol, paling henteu limaan.

Lauk emas mangrupa omnivora nu ngahakan naon baé nu ngaliwat ka hareupeunana, kayaning tutuwuhan cai, serangga, lauk paéh, jeung sajabana. Malah di pilemburan di Indonésia, balong/kulah lauk emas téh mangrupa kokocoran limbah rumah tangga.

Sakali endogan, lauk emas bisa ngaluarkeun 300.000 endog.

Dicutat tina

Koi, salah sahiji varitas lauk emas

• Common carp, Wikipédia édisi basa Inggris (28 Maret 2006)
• Cyprinus carpio (TSN 163344). Integrated Taxonomic Information System. Dibuka ping 4 Oktober 2004.
• Cyprinus carpio. FishBase. Ranier Froese & Daniel Pauly (éd.), vérsi Séptémber 2004. N.p.: FishBase, 2004.
• Cyprinus carpio Archived 2005-11-26 di Wayback Machine Arkive

Tumbu kaluar

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.