Lémbér hideung

Lémbér hideung
Klasifikasi ilmiah
Karajaan:	Fungi
Divisi:	Basidiomycota
Kelas:	Heterobasidiomycetes
Ordo:	Auriculariales
Kulawarga:	Auriculariaceae
Génus:	Auricularia
Spésiés:	A. polytricha
Ngaran binomial
	Auricularia polytricha; (Mont.) Sacc.

Lémbér hideung (Auricularia polytricha, sinonim Hirneola polytricha) nyaéta salah sahiji spésiés supa ti kelas supa geunyal atawa Heterobasidiomycetes (jelly fungi) kalayan awak buah nu warnana coklat kolot satengah hérang, ngawangun mangkok nyarupaan daun ceuli manusa.^[1]

Dina basa Tionghoa, lémbér hideung dipikawanoh minangka 云耳 (pinyin: yún ěr), 毛木耳 (pinyin: máo mù ěr) atawa 木耳 (pinyin: mù ěr). Lémbér hideung ilahar dipaké dina asakan Asia.

Awak buah némpél dina tangkal kai anu geus buruk di tempat baseuh sarta beueus. Mangsa seger kénéh katempo jiga ager (jelly) baseuh sarta lamun digaringkeun jadi murengked.

Lémbér leuwih loba dijual dina wangun garing sarta kudu dikeueum dina cai saméméh diasakan. Lémbér anu geus diasakan miboga tékstur garing kawas sawaktu ngadahar tulang rangu sarta henteu miboga rasa. Lémbér hideung ogé mindeng dipaké minangka bahan ubar tradisional alatan dipikanyaho miboga sipat antikoagulan.

Tempo ogé

Lémbér beureum (Auricularia auricula-judae)
Lémbér bodas (Tremella fuciformis)

Dicutat tina

↑ Heyne, K. (1913). DE NUTTIGE PLANTEN VAN NEDERLANDSCH-INDIË. Library New York Botanical Garden: RUYGROK & Co BATAVIA. p. 170. Diakses tanggal (disungsi) 27 Mei 2021.

Tumbu ka luar

(id) Jamur kuping, lancarkan peredaran darah
(en) Black Fungus
(en) Chinese Cuisine - Cloud Ears and Wood Ears

[“Heyne”-1] Heyne, K. (1913). DE NUTTIGE PLANTEN VAN NEDERLANDSCH-INDIË. Library New York Botanical Garden: RUYGROK & Co BATAVIA. p. 170. Diakses tanggal (disungsi) 27 Mei 2021.

[1]