Malioboro

Malioboro nyaéta salah sahiji jalan paling kasohor di Yogyakarta. Salian aya di jajantung kota, Malioboro jadi kasohor ku sabab carita sajarahna. Ayana Malioboro mindeng dikaitkeun jeung tilu tempat suci di Yogya, nyaéta Gunung Tampomas, Kraton, sarta Basisir Kidul.

Dina bahasa Sanskerta, kecap Malioboro boga arti karangan kembang. Kecap Malioboro ogé dibawa tina ngaran hiji kolonial Inggris ngaranna Marlborough, anu kantos mukim di dinya taun 1811 - 1816 M. Ngadegna jalan Malioboro waktuna mareng jeung ngadegna Kraton Yogyakarta.

Awalna jalan Malioboro diatur salaku hiji imajiner antara Basisir Kidul (Parangkusumo) - Kraton Yogya - Gunung Merapi. Malioboro mimiti rame ti jaman kolonial 1790 pas keur pamarentah Belanda ngabangun Benteng Vredeburg taun 1790 di tungtung kidul jalan ieu.

Jalan Malioboro ogé boga peran penting dina perjuangan kamerdekaan Indonesia. Di gigir kidul jalan Malioboro pernah kajadian patempuran galak antara pejuang tanah air ngalawan pasukan kolonial Belanda nu hayang nempatan Yogyakarta. Patempuran éta dipikawanoh salaku kajadian Serangan Umum 1 Maret 1949 nyaéta kaberhasilan pasukan merah putih nempatan Yogyakarta salila 6 jam jeung ngabuktikeun ka dunya yén tentara Indonésia masih aya.

Pamarentah satempat kiwari terus ngahadéan Malioboro sangkan jadi kawasan nu merenah pikeun dieunteupan. Warung - warung lesehan dugi ka kiwari masih dipertahankeun kanggo ngapertahankeun ciri khas Malioboro.