Manowa

BUAH NONA
Klasifikasi ilmiah
Karajaan:	Plantae
Divisi:	Tracheobionta
Kelas:	Magnoliopsida
Ordo:	Magnoliales
Kulawarga:	Annonaceae
Génus:	Annona
Spésiés:	Annona reticulata L.
Ngaran binomial
	Annona reticulata;

Manowa; Nona; Annona reticulata nyaéta hiji tutuwuhan anu asalna tina kulawarga Annonaceae mangrupa.^[1] tangkal anu gancang tumuwuh, Jangkungna tiasa ngahontal 7 méter kalayan diameter tangkal dugi ka 30 cm.^[2] Geus lila dibudidayakeun di Amérika Kidul pikeun diarah buahna, ieu tangkal geus teu bisa kapanggih di tempat liar.^[2] Utamana dipelak di kebon di sababaraha daérah tropis pikeun diarah buahna anu tiasa didahar. ^[1] Dagingna, miboga rasana rada kurang, henteu ngeunah kawas anu séjén tina anggota ieu genus, janten henteu pati populer pisan di pasar lokal.^[3]

Habitat jeung sebaran

Tutuwuhan merlukeun iklim tropis pikeun tumuwuh anu alus, tapi sanajan kitu bisa hirup dina iklim subtropis.^[2] Ieu tutuwuhan teu bisa hirup lamun halodo, malahan mikaresep hirup dina taneuh jemlék sarta saeutik kahalimunan.^[2] Utamana dina dataran taneuh anu perenahna dina 1.500 méter luhureun beungeut cai laut. ^[2]

Tangkal ieu bisa ka ala buahna dina 4 - 5 taun, tisaprak dipelak tina sikina.^[2] Lamun dipiara kalawan hadé, bisa ngahasilkeun buah 34-45 kg unggal taun. ^[2]

Mangpaat ubar

Daunna lamun dituang tiasa ngalawan cacingeun, sareng pamakéan éksternal pikeun ngubaran bisul . ^[2] Kujalan dibebek heula nepika lembut, tuluy waé ditaplokeun kana mata bisul. ^[2]

Buah ngaran sareng kulitna mibanda tanin, éta dianggo pikeun ngubaran diaré sareng disentri.^[2] Dina kasus parna, daun, jeung buah ngora digodong salila 5 menit dina saliter cai, pikeun nyieun ramuan ubar. ^[2]