Mioma uteri
Mioma uteri, leiomioma uteri, atawa fibroid uterus nyaéta tumor jinak rahim nu sering timbul pasca ngalahirkeun. Leiomioma teu boga potensi ngembang jadi kanker. Ukuranna rupa-rupa, ti ukuran nu leutik pisan nu kadeteksi jeung pamariksaan ultrasonografi nepi nu ukuranna gede pisan sahingga nambah volume rahim jeung penderita katingali jiga nu keur hamil gede.[2][3][4][5]
| Leiomioma Uteri | |
|---|---|
| Ngaran lian | Uterus fibroid, mioma uteri, mioma, fibromioma, fibroleiomioma |
 | |
| Leiomioma uteri nu katingali dina laparaskopi | |
| Spesialisasi | Ginekologi |
| Gejala | nyeri atawa kaleuleuwihan haid |
| Awal muncul | Patengahan umur produktif |
| Musabab | Teu kanyahoan |
| Faktor résiko | Riwayat kulawarga, obesitas, daging beureum |
| Diagnosis | Pamariksaan pelvis, pencitraan jeung modalitas |
| Kondisi serupa | Leiomiosarcoma, kehamilan, kista ovarium, kanker ovarium[1] |
| Cara ngarawat | Medikamentosa, operasi, embolisasi arteri uterus |
| Pengobatan | Ibuprofen, parasetamol (asetaminofen), suplemen zat besi, agonis hormon pelepas gonadotropin |
| Prognosis | Bakal cageur nalika menopause |
Gejalana nyaéta kaleuleuwihan ménstruasi, ménstruasi nu leuwih ti saminggu, nyeri panggul, sering ngompol jeung konstipasi.
Sabab pasti tina kaayaan ieu henteu can kanyahoan, tapi disangka faktor hormonal, parobahan genetik, faktor partumbuhan, matrix ekstraselule boga peran dina prosés lumangsungna kaayaan Mioma uteri
Jumlah penderita can kanyahoan sacara akurat sabab loba nu teu ngarasakeun keluhan sahingga teu buru dipariksakeun ka dokter, tapi perkiraan sakitar 20-30% kajadian di awéwé umur di luhur 35 tahun.
Riwayat panyakit édit
Asal muasal panyakit mioma uteri asalna tina otot polos rahim. Sababaraha téori nyebutkeun tumuwuhna tumor ieu disababkeun ku stimulasi tina hormon éstrogén. Dina jaringan mioma jumlah reseptor éstrogén leuwih loba dibandingkan jaringan otot kandungan (miometrium) sakitarna sahingga mioma uteri ieu sering tumuwuh leuwih gancang dina kahamilan (ngagédean dina umur reproduksi) jeung biasana ukuran ngurangan saenggeus menopause (ngaleutikan dina pascamenopause)
Loba tumor jinak rahim ka arah rongga ieu ngagédean jeung tumuwuh kaluar tina biwir rahim. Tumor nu aya dina rahim bisa tumuwuh leuwih ti hiji, karasa geunyal, bentukna buleud jeung benjol-benjol sarupa ukuran tumor. Beuratna rupa-rupa, mimiti tina sababaraha gram wungkul, tapi ogé nepika 5 kilogram atawa leuwih.
Jenis édit
Dumasar lokasina mioma uteri dibagi jadi tilu jenis:
- Partumbuhan tetap di dijero biwir rahim
- Partumbuhan ka arah rongga rahim
- Partumbuhan ka arah hareup biwir rahim
Gejala dan tanda édit
Sawaréh dina panyakit kapanggih sacara kabeneran nalika pameriksaan panggul rutin. Gejala nu timbul tergantung pada lokasi jeung gedénya tumor, tapi nu paling sering kapanggih nyaéta:
- Perdarahan nu loba jeung lila dina masa haid atawa di luar masa haid.
- Rasa peurih sabab tumor nu neken kapuir tangkal tumor, jeung ayana infeksi di jero rahim.
- Panekenan dina organ di sekitar tumor saperti kandung kemih, ureter, rektum atawa organ rongga panggul liana, nimbulkeun gangguan miceun jeung ngompol, palebaran pembuluh darah vena dina panggul, gangguan ginjal sabab pabengkakan tangkai tumor.
- Gangguan hésé hamil sabab kajadian panekanan dina saluran indung telur.
- Dina bagian handap beuteung deukeutt rahim karasa geunyal.
Loba penderita ngarasa peurih akibat miom degenerasi atau kontraksi uterus kaleuleuwihan dian mioma nu tumuwuh ka jero rongga rahim. Pasangan salaki pamajika sok hése boga anak (infertilitas) disababkeun gangguan dina tuba, gangguan implantasi dina endometrium, panyumbatan, jeung nu lianna.
Mioma Uteri bisa ngagganggu kahamilan ku dampak saperti kalainan posisi orok jeung plasenta, kahalangna jalan lahir, kalemahan dina kontraksi rahim, pandarahan nu loba saenggeus ngalahirkeun jeung gangguan palepasan plasenta, bahkan bisa nyebabkeun kaguguran.
Sabalikna, kahamilan ogé bisa ngadampak parah Mioma Uteri. Nalika hamil, Mioma Uteri condong ngagédan, jeung sering kajadian parobahan dina tumor nu nyebabkan pandarahan dina tumor sahingga nimbulkeun peurih. Salian éta, salila kahamilan, tangkai tumor bisa muter.
Rujukan édit
- ↑ Ferri, Fred F. (2010). Ferri's differential diagnosis : a practical guide to the differential diagnosis of symptoms, signs, and clinical disorders (2nd ed.). Philadelphia, PA: Elsevier/Mosby. p. Chapter U. ISBN 978-0323076999.
- ↑ "Uterine Fibroids: Pain, Symptoms, Causes, Surgery & Treatment". eMedicineHealth. Diakses tanggal 2020-03-09.
- ↑ "What Are Uterine Fibroids?". WebMD. Diakses tanggal 2020-03-09.
- ↑ "Uterine fibroids - Symptoms and causes". Mayo Clinic. Diakses tanggal 2020-03-09.
- ↑ "Uterine Fibroid Symptoms, Treatment, Causes & Surgery". MedicineNet. Diakses tanggal 2020-03-09.