Pésmol
Pésmol nyaéta wanda olahan Indonésia anu teu bireuk deui di tatar Sunda anu bahan utama lauk.[1] Lauk anu umum dipésmol biasana lauk émas.[1] Tapi lauk cai séjén ogé saperti nila, mujaér, guramé, patin, jeung sajabana mindeng dijadikeun bahan utama pésmol.[1]
Anu dimaksud pésmol nyaéta bumbu konéng tina bungbu anu rupa-rupa, di antarana nyaéta konéng, muncang, jahé jeung sajabana.[2] Ku lantaran kitu rasa pésmol didominasi ku rasa gurih, anu asalna tina bungbu jeung sari laukna sorangan.[2] Pésmol anu kakoncara di tatar Sunda nyaéta pésmol Cianjur.[2]
Cara nyieun olahan pésmol henteu hésé.[1] Lauk anu disiapkeun dikumbah bérésih tuluy digoréng garing.[1] Sanggeus kitu bungbu rempah anu geus disiapkeun diréndos tuluy ditumis dina minyak panas sacukupna.[1] Tumisan bungbu dicaian sacukupna sarta dibéré samara uyah jeung gula sacukupna, sakapeung mah sok aya anu maké cipati sangkan leuwih gurih.[1] Sanggeus samara karasa karak lauk anu geus digoréng diasupkeun, digolakkeun nepika samara nyerep kana lauk.[1]
Rujukan
édit- ↑ a b c d e f g h Kuliner123: Cara membuat ikan pesmol sedap (diaksés 9 Désémbér 2015)
- ↑ a b c Resep Masakan: Resep ikan pesmol Cianjur Archived 2015-12-09 di Wayback Machine (diaksés 9 Désémbér 2015)