Pamaréntahan Darurat Républik Indonésia

Pemerintahan Darurat Republik Indonesia
Pemerintahan Darurat Republik Indonesia
Ibu kota	Bukittinggi
Pamaréntah	Pemerintahan sementara

Pamaréntahan Darurat Républik Indonésia (PDRI) nyaéta penyelenggara pamaréntahan Républik Indonésia dina période 22 Desember 1948 nepi ka 13 Juli 1949. PDRI dipingpin ku Syafruddin Prawiranegara, puseurna di Bukittinggi, Sumatera Kulon. PDRI didirikeun ku sabab sababaraha inohong kamerdékaan Indonésia saperti Soekarno jeung Mohammad Hatta diasingkeun Walanda ka luar Jawa^[1]^[2].

Kasang Tukang

Agrési Militér Walanda II

Teu lama sanggeus Agrési Militér Walanda II dina 19 Désémber 1948, Walanda ngawasaan Ibukota Yogyakarta. Dina mangsa nu sama, inohong kamérdékaan saperti Soekarno, Mohammad Hatta, Sutan Syahrir, jeung Agus Salim diasingkeun Walanda ka luar Jawa. Saacan ditawan, Soekarno ngayakeun rapat Istana Nagara keur ngarencanakeun pamaréntahan darurat di Sumatera. Sababaraha inohong pamaréntahan saperti Mohammad Hatta, Laksamana Soerjadi Soerjadarma, jeung Johannes Leimena dilibatkeun dina rapat ieu^[1].

Télégram paréntah ieu dikirim ka Syafruddin Prawiranegara di Sumatera jeung A. A. Maramis di New Délhi. Stratégi ieu dipaké mun Syafruddin gagal ngadirikeun pamaréntahan darurat, pamaréntah pangasingan luar negeri kudu didirikeun^[1].

Kantor PDRI di Gunuang Omeh, Lima Puluh Kota, Sumatra Kulon.

Dibentukna PDRI

Sanggeus Yogyakarta dikawasa Walanda jeung sababaraha inohong diasingkeun, Menteri Panerangan Syafruddin Prawiranegara jeung Panglima Tentara jeung Teritorium Sumatera Kolonel Hidayat nepungan Teuku Mohammad Haasan, Gubernur Sumatera di imahna. Sanggeus éta, sakabeh inohong angkat ka Halaban keur ngarundingkeun pamaréntahan darurat. Dina tanggal 22 Désémber 1948, Pamaréntahan Darurat Républik Indonésia didirikeun^[1]^[2]. Kabinét pamaréntahan disusun, sababaraha pejabat ngarangkep sababaraha jabatan, kaasup Syafruddin Prawiranegara.

Ahir PDRI

Pamaréntah PDRI réngsé sanggeus Pajangjian Roem-Royen disapukkeun ku pamaréntah Indonésia jeung Walanda dina 1 Juli 1949. Pajangjian ieu nyebutkeun yén tawanan pulitik anu diasingkeun Walanda dilepaskeun tanpa syarat jeung dibalikkeun ka Yogyakarta. Di tanggal 13 Juli 1949, Soekarno jeung Moh Hatta balik ka Yogyakarta^[2].

Susunan Pamaréntahan

Teu lama sanggeus PDRI didirikeun, Syafruddin Prawiranegara ngabentuk kabinét darurat dina susunan jeung jabatan diantarana nyaéta^[1]:


Jabatan	Inohong	Foto
Présiden PDRI/Menteri Panerangan	Mr. Syafruddin Prawiranegara
Wakil Présiden PDRI/Menteri Kehakiman/Menteri Pembangunan jeung Pamuda	Mr. Susanto Tirtoprojo
Menteri Luar Negeri	Mr. Alexander Andries Maramis
Menteri Dalam Negeri/Kesehatan	dr. Sukiman Wirjosandjojo
Menteri Keuangan	Mr. Lukman Hakim
Menteri Kemakmuran/Pengawas Makanan Rakyat	Mr. Ignatius J. Kasimo
Menteri Agama	Kyai Haji Masykur
Menteri Pendidikan, Pengajaran, dan Kebudayaan	Mr. T. Moh. Hasan
Menteri Perhubungan	Ir. Indracahya
Menteri Pekerjaan Umum	Ir. Mananti Sitompul
Menteri Perburuhan dan Sosial	Mr. Sutan Mohammad Rasjid
Panglima Besar Angkatan Perang RI	Letnan Jenderal Soedirman
Panglima Tentara & Teritorium Jawa	Kolonel Abdul Haris Nasution
Panglima Tentara & Teritorium Sumatra	Kolonel R. Hidajat Martaatmadja
Kepala Staf Angkatan Laut	Kolonel Mohammad Nazir
Kepala Staf Angkatan Udara	Komodor Udara Hubertus Suyono
Kepala Kepolisian Negara	Komisaris Besar Polisi Umar Said

Rujukan

↑ ^a ^b ^c ^d ^e Matanasi, Petrik. "Apa Jadinya Jika Tak Ada PDRI?". tirto.id (dalam Indonesian). Diakses tanggal 2021-08-29.
↑ ^a ^b ^c Media, Kompas Cyber. "Sejarah dan Peran PDRI Halaman all". KOMPAS.com (dalam Indonesian). Diakses tanggal 2021-08-29.

[:0-1] Matanasi, Petrik. "Apa Jadinya Jika Tak Ada PDRI?". tirto.id (dalam Indonesian). Diakses tanggal 2021-08-29.

[:1-2] Media, Kompas Cyber. "Sejarah dan Peran PDRI Halaman all". KOMPAS.com (dalam Indonesian). Diakses tanggal 2021-08-29.

[1]

[2]