Pandan
| Pandan (Pandanus) | |
|---|---|
| |
| Pandanus utilis jeung buahna nu ngagantél. | |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | Pandanus |
Pandan nyaéta rupa tangkal monokotil tina genus Pandanus.[1] Tangkalna jangkung aya nu nepi ka 11 m.[1] Watangna lempeng, buleud, régangna monopodial.[1] Daunna nunggal, lansét, sisina régé-régé, tungtungna seukeut, tulangna sajajar, panjangna 75 nepi ka 90 senti, lebarna 3-5 senti, warnana héjo.[1] Pandan nyaéta jenis tutuwuhan anu geus lila dimangpaatkeun ku masarakat Indonesia pikeun rupa-rupa kaperluan, ti mimiti pikeun bungbu dapur, bahan ubar, nepi ka kaperluan acara agama.[2]
Jenis pandan anu mindeng dipaké pikeun bahan baku nyieun samak nyaéta Pandanus tectorius, P. odoratissimus, P. dubius sarta P.furcatus.[2] Cacak sapanjang sisi daunna cucukan, tapi jenis ieu mah liat sarta teu babari pites alatan serat trakeidna panjang.[2] Pandan seungit (P.amaryllifolius) mangrupa hiji-hijina pandan anu miboga daun anu seungit sarta miboga hasiat pikeun dijadikeun ubar.[2] Pandanin nyaéta senyawa anu diékstrak tina pandan seungit ieu miboga hasiat minangka antivirus ka virus anu narajang manusa, contona virus herpés sarta virus influenza.[2] Aya sawatara jenis pandan anu geus dipaké minangka pepelakan hiasan alatan miboga wangun unik atawa ahéng, di antarana P. dubius, P.tectorius cv sanderi, P. spurius cv putat, sarta P. utilis.[2]
Jenis Pandan
éditSaeutikna aya 600 jenis pandan Di sakuliah dunya, di antarana nyaéta:[3]
- Pandan wangi (Pandanus ammaryllifolius)[3]
- Pandan Laut (Pandanus tectorius).[3]
- Pandan cucuk.[3]
- Buah Beureum Papua (Pandanus conoideus).[3]
- Pandan Mulintir (Pandanus utilis).[3]
- Pandan Bodas (Pandanus baphtisii).[3]
- Pandan Afrika (Pandanus pygmeus).[3]
Manfaat
éditSababaraha jenis pandan kapaké pikeun kahirupan manusa:[3]
- Pandan seungit daunna dipaké pikeun nyeungitkeun jeung ngawarnaan dahareun, ogé komponén dekorasi jeung panyeungit hawa.[3]
- Pandan cucuk, daun nu digaringkeun dipaké pikeun bahan baku anyaman, boh keur samak atawa topi pandan.[3]
- Buah Beureum, Ti Pulo Papua anu buahna dipikawanoh minangka ubar atawa suplemén anu nyéhatkeun awak.[3]
Referensi
édit| Wikimedia Commons mibanda média séjénna nu patali jeung Pandanus odorifer. |