Quebec
Quebec nyaéta propinsi pangbadagna di Kanada sacara géografis,sarta pangbadagna kadua numutkeun populasi sanggeus Ontario. Propinsi ieu mibanda pangeusi sajumlah 7.568.640 urang. Ieu jumlah téh ngawengku 24% nu nyicingan Kanada. Dayeuh Quebec sarta dayeuh pangbadagna nyaéta Montreal. Nu nyicingan na disebut Quebecer (dibaca "Quebeker") sarta dina Basa Perancis un(e) Québécois(e), (dibaca "Quebekwa").
Basa
éditBasa resmi nu utama sarta hiji-hiji na nyaéta basa Perancis, jeung nu hiji-hijina wewengkon francophone (wewengkon anu nyaturkeun basa Prancis) di Amérika Kalér. Quebec mangrupa hiji-hijina propinsi di Kanada, nu teu maké basa Inggris minangka basa resmi dina tingkat propinsi, sarta salah sahiji ti dua propinsi Kanada nu maké basa Perancis minangka basa resmina.
Margasatwa
éditSato liar darat nu hirup di ieu wewengkon umumna rusa buntut bodas, musk ox, karibu, biruang hideung Amérika sarta biruang kutub. Sato liar séjénna di Quebec ngawengku cougar, coyote, serigala, ucing leuweung, rubah Arktik, bajing kulawu, kelinci, sigung, rakun, sarta berang-berang Kanada. Kaanékaragaman hayati sato laut ti muhara sarta teluk Saint Lawrence River dugi ka Île d'Orléans (Basa Perancis pikeun Pulo Orléans), ngawengku paus beluga, paus Minke, walrus sarta narwhal.
Géografi
éditQuebec perenahna di wewengkon wétan Kanada, sarta nempatan hiji wilayah nu legana ampir tilu kali ukuran Perancis atawa Texas, anu umumna carang pisan nu nyicinganna. Topografina nyaéta béda pisan ti hiji wewengkon ka wewengkon séjén kalawan komposisi anu variatif tina taneuh jeung iklimna. Quebec, kaasup umumna mibanda pusat-pusat pangeusi nu utama, miboga iklim benua beueus kalawan opat usum anu béda, aya haneut, sakali-kali panas sarta beueus, usum panas, sarta usum tiis. Anu sering pisan tiis jeung saljuan
