Réspirasi sélulér
Réspirasi sélulér medarkeun réaksi-réaksi jeung prosés métabolismeu nu lumangsung di jero sél pikeun ngahasilkeun énérgi biokimiawi tina molekul-molekul suluh sarta ngaleupaskeun produk runtahna. Réaksi anu aub dina réspirasi nyaéta réaksi katabolik dina métabolismeu.
Molekul suluh nu biasa dipaké dina réspirasi sél di antarana glukosa, asam amino, jeung asam lemak, sedengkeun agén pangoksidasina (panadah éléktron) nyaéta molekul oksigén (O2). Tapi, aya ogé organismeu anu bisa ngajalankeun réspirasi ngagunakeun molekul organik minangka panadah éléktron lian ti oksigén. Organismeu anu ngagunakeun oksigén minangka panadah éléktron dina réspirasi disebutna aérob, sedengkeun nu teu kitu disebut anaérob.
Énérgi anu dileupaskeun dina réspirasi dipaké pikeun nyintésis molekul anu nampung ieu énérgi. Salah sahijina nyaéta adénosin trifosfat (ATP) nu énérgi kimia simpenanana bisa dipaké pikeun rupa-rupa prosés nu merlukeun énérgi, kayaning biosintésis jeung lokomosi atawa transportasi molekul meuntas mémbran sél. ku sabab aya di mana-mana, ATP katelah minangka "panukeur énérgi universal", jumlahna dina hiji sél nunjukkeun ayana énérgi anu bisa dipaké pikeun prosés anu merlukeun énérgi.
Rujukan
édit- Wikipédia basa Inggris. Cellular respiration. Dicutat 20 Séptémber 2007.
Tumbu kaluar
édit- Chart of Important Metabolic Products Archived 2011-07-20 di Wayback Machine
- A detailed description of respiration vs. fermentation Archived 2006-04-30 di Wayback Machine
- Kimball's online resource to cellular respiration Archived 2011-08-06 di Wayback Machine
- Cellular Respiration and Fermentation at Clermont College
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |