Wikipédia

Rieke Diah Pitaloka

Rieke Diah Pitaloka (lahir di gumelar di Garut, Jawa Barat, 8 Januari 1974; umur 50 taun) nyaéta saurang panulis buku, pamawa acara, pamaén sinétron Indonesia, sarta anggota DPR périodeu 2009 - 2014 ti PDI-P. Taun 2012 Rieke Diah Pitaloka maheutkeun pikeun nyalonkeun manéh minangka Gubernur Jawa Kulon nu wakilna Tétén Masduki, duanana ngawanohkeun manéh kalawan sebutan PATÉN jeung diusung ku PDI-P nu nomer urutna 5.

Rieke Diah Pitaloka
GumelarRieke Diah Pitaloka Intan Purnamasari
8 Januari 1974 (1974-01-08) (yuswa 50)
Garut, Jawa Barat, Indonesia
KabangsaanIndonesia
Alma materUniversitas Indonesia
PagawéanPolitisi
Partéy pulitikPDI Perjuangan
PasanganDonny Gahral Adian
AnakSagara Kawani
Misesa Adiansyah dan Jalumanon Badrika (kembar)

Atikan

édit

Saréngséna atikan S1 di Fakultas Sastra Belanda Universitas Indonésia[1] jeung S1 Filsafat STF Driyakara, Jakarta,[2] Rieke gé nuluykeun atikanna. Sanajan sibuk ku sagala kagiatan 'kaartisan', Rieke bisa ngaréngsékeun atikan S2 na di jurusan Filsafat Universitas Indonesia (UI). Malah mah tésisna nu judulna Banalitas Kejahatan: Aku yang tak Mengenal Diriku, Telaah Hannah Arendt Perihal Kekerasan Negara dijadikeun buku kalawan judul Kekerasan Negara Menular ke Masyarakat diterbitkan ku Galang Press.[3]

Karir

édit

Dunya Hiburan

édit

Rieke Diah Pitaloka mimiti dipikawanoh ku balaréa liwat iklan Kondom Sutra ku kocapan Méong. Lian ti kitu manéhna ogé dipikawanoh liwat peranna minangka Oneng nu "o'on" dina sitkom Bajaj Bajuri. Rieke Diah Pitaloka ogé dipikawanoh minangka pamawa acara dina acara Good Morning jeung panulis buku. Salah sahiji judul bukuna nyaét Renungan Kloset.

Lian sinétron, Rieke Diah Pitaloka ogé ngajajal téater. Rieke Diah Pitaloka milu pamintonan téater nu judulna 'Cipoa' garapan Putu Wijaya.[4] Hayang nyobaan hal anyar, Rieke gé asup ka layar rubak. Rieke mimitu debutna di layar rubak minangka Dwi, awéwé nu diwayuh dina pilem Berbagi Suami. Katagihan maén pilem, Rieke maén deui dina pilem antologi karya opat sutradara awéwé judulna Lotus Requiem[5] nu tuluy judulna dirobah jadi Perempuan Punya Cerita.

Kagiatan sosial jeung pulitik

édit

Rieke Diah Pitaloka aktif dina kagiatan pulitik, malah mah pernah ngadiukan jabatan wakil sékrétaris jéndral DPP Partéy Kabangkitan Bangsa (PKB) pingpinan Muhaimin Iskandar.[6] Rieke tuluy ngundurkeun diri tina partéy Islam éta pikeun jabung ka Partéy Demokrasi Indonésia Pajuangan (PDI-P) pingpinan Mégawati Soekarnoputri.[7]

Rieke Diah Pitaloka téh anggota DPR périodeu 2009 - 2014 ti PDI-P pikeun Daérah Pamilihan Jawa Kulon II. Di Déwan Perwakilan Rahayat, Rieke mangrupa salah sahiji anggota ti Komisi IX. Widang nu pangdiperhatikeunana nyaéta widang kaséhatan jeung kasajahtraan masyarakat. Manéhna mangrupa salah sahiji anggota Panitia Husus Rancangan Undang-Undang Badan Penyelenggara Jaminan Sosial (BPJS) nu mangrupa bagéan tina Sistem Jaminan Sosial Nasional (SJSN).[8][9]

Rieke Diah Pitaloka ogé ngadegkeun hiji yayasan nu dingaranan "Yayasan Pitaloka" nu icikibung di widang sastra jeung sosial kamasyarakatan.

Awal taun 2013 Rieke Diah Pitaloka maheutkeun pikeun nyalonkeun dirina minangka Gubernur Jawa Kulon[10] nu diwakilan ku Tétén Masduki, maranéhna duaan nyieun jujuluk sorangan minangka PATÉN nu dirojong ku PDI-P kalawan nomer urut 5.

Tanggal 3 Maret 2013 diumumkeun hasil Pilkada Gubernur - Wagub Jawa Barat Pasangan Cagub - Cawagub nomer 5 Rieke-Teten meunang réngkin ka 2 ti 5 pasangan calon kalawan beubeunangan sora 5.714.997 sora atawa 28,41 persén ti sora sah.[11]

Dina pamilu législatif 2014, Rieke Diah Pitaloka maju minangka calon législatif DPR dapil Jawa Barat VII, manéhna gé lolos ka Senayan sarta jadi anggota DPR périodeu 2014 - 2019 kalawan beubeunangan sora 255.044 sora.[12]

Kahirupan pribadi

édit

Rieke Diah Pitaloka kawin jeung dosén filsafat Universitas Indonésia, Donny Gahral Adian dina poé Sabtu, 23 Juli 2005, di padumukan kolotna Rieke di Garut, Jawa Kulon.[13] Ieu pakawinan téh jadi cucuk rungkang lantaran tunangan Rieke ti 11 Januari 2002, sutradara Exel J Permadi ngarasa dirina jeung Rieke can resmi pepegatan.[14]

Tanggal 9 Januari 2011, selang sapoé sanggeus milangkala Rieke nu ka 38, manéhna babaran budakna kembar nyaéta Misesa Adiansyah jeung Jalumanon Badrika liwat operasi Caesar. saméméhna ieu pasangan téh geus dipaparin saurang anak lalaki nu gumelar taun 2009 ngaranna Sagara Kawani Hadiasyah.[15][16]

Kasus palécéhan séksual

édit

Manéhna kungsi meunang palécéhan séksual ku saurang dokter nalika ngalakonan kunjungan kerja ka RSUD Labuang Baji, Sulawesi Kidul dina poé Senén (8 Maret 2010). Teu narima ku hal éta, manéhna langsung ngalapor ka pulisi.[17]

Daptar peran

édit

Sinétron

édit
  • Srikandi
  • Badut pasti Berlalu
  • Untukmu Segalanya
  • Tirani Kehidupan
  • 30 Meter
  • Putri Maharani
  • Perawan-perawan
  • Perkawinan
  • Prahara Prabu Siliwangi
  • Goresan Cinta Berbingkai Duka
  • Bajaj Bajuri
  • Bola Kampung
  • Salon Oneng
  • Maha Kasih

Pilem

édit
  • Berbagi Suami (2006)
  • Perempuan Punya Cerita (2008)
  • Laskar Pelangi (2008)
  • Sang Pemimpi (2009)

Pamawa acara

édit
  • Book Review (Metro TV)
  • Good Morning (Trans TV)

Buku

édit
  • Renungan Kloset
  • Kekerasan Negara Menular Ke Masyarakat

Pranala luar

édit

Rujukan

édit
  1. ↑ Rieke Pernah Nunggak Uang Kos, diakses 27 September 2007
  2. ↑ Rieke Diah Pitaloka: Bawa Gue Terbang, diakses 27 September 2007
  3. ↑ Rieke Dyah Pitaloka Bukukan Thesis S2-nya, diakses 27 September 2007
  4. ↑ Rieke Diah Pitaloka Ingin Hilangkan Image 'Oon', diakses 27 September 2007
  5. ↑ Puas di Teater, Rieke Dyah Pitaloka Rambah Layar Lebar, diakses 27 September 2007
  6. ↑ Rieke Diah 'Oneng' Pitaloka Kunjungi Dua Balita Gizi Buruk, diakses 27 September 2007
  7. ↑ Oneng Bergabung PDIP Archived 2022-05-28 di Wayback Machine, diakses 14 Desember 2007
  8. ↑ http://www.jpnn.com/read/2011/10/28/106882/Rieke:-RUU-BPJS-Tak-Disahkan,-Rakyat-Dikorbankan-
  9. ↑ http://www.jpnn.com/read/2011/10/28/106880/Rieke:-Alasan-Pemerintah-Tak-Jelas-
  10. ↑ Indonesia, PT Rilis Multimedia. "Rieke Diah Pitaloka, dari Komisi Air Mata ke Komisi Mata Air" (dalam bahasa id-ID). http://www.rilis.id/rieke-diah-pitaloka-dari-komisi-air-mata-ke-komisi-mata-air.html. Diakses pada 2017-06-11  Archived 2017-06-25 di Wayback Machine
  11. ↑ Aher-Deddy Resmi Gubernur & Wagub Jabar Periode 2013-2018, diakses dari situs Detik Bandung Archived 2013-03-06 di Wayback Machine
  12. ↑ 18 Artis Lolos ke Senayan Jadi Anggota DPR RI
  13. ↑ Perjanjian Pranikah Rieke Diah Pitaloka dan Donny Gahral Adian, diakses 27 September 2007
  14. ↑ Exel J Permadi Kaget dengan Berita Pernikahan Rieke Dyah Pitaloka, diakses 27 September 2007
  15. ↑ http://hot.detik.com/read/2012/01/09/093524/1809958/230/rieke-dyah-pitaloka-lahirkan-bayi-kembar
  16. ↑ http://hot.detik.com/read/2012/01/09/153807/1810592/230/misesa-jalumanon-nama-anak-rieke-dyah-pitaloka
  17. ↑ vivanews.com - Rieke alami pelecehan seksual Archived 2010-08-11 di Wayback Machine
Dicomot ti "https://su.wikipedia.org/w/index.php?title=Rieke_Diah_Pitaloka&oldid=663974"