Sapron

Sapron
Kembang sapron kalawan tangkéy putik pulas beureum
Klasifikasi ilmiah
Karajaan:	Plantae
Divisi:	Magnoliophyta
Kelas:	Liliopsida
Ordo:	Asparagales
Kulawarga:	Iridaceae
Génus:	Crocus
Spésiés:	C. sativus
Ngaran binomial
Crocus sativus L.

Sapron atawa kuma-kuma mangrupa rempah-rempah tina Kembang Crocus sativus ("kembang pacar"), sakaligus ngaran pikeun tutuwuhan Crocus sativus tina marga crocus kulawarga Iridaceae.

Kembang kuma-kuma mibanda tilu hulu putik (stigma) anu perenahna di distal kana daun buah. Bagéan Tangkéy putik, anu ngahubungkeun stigma jeung bagéan kembang pangjerona, mindeng digaringkeun tur disebut sapron anu loba dipaké minangka bungbu asakeun tur bahan pamulas.

Kuma-kuma asalna ti Asia Kulon Kidul, jeung sapron tumahan minangka komoditas rempah miturut timbangan beurat anu pangmahalna di dunya salila sababaraha dékadeu. Tutuwuhan ieu mimiti dibudidayakeun di sakuriling Yunani.

Sapron mibanda rasa has rada pait tur bauna seungit siga iodoform atawa Jukut gring alatan zat kimia anu ngarana picrocrocin dan safranal. Safron ngandung crocin, salah sahiji bahan pamulas karotenoid anu nyieun dahareun jadi Konéng kaemasan. Warna konéng caang sapron ngajadikeunna salaku bungbu rempah anu panglobana dipikaresep ku jelema sadunya. Dina pangubaran tradisional, sapron digunakeun minangka ubar watara jinis panyakit.

Dina basa Malayu, sapron disebut koma-koma tur mangrupa bungbu pikeun nyieun sangu briyani jadi warna konéng. Dina basa Arab, sapron disebut Za'faran (زَعْفَرَان), anu asalna tina kecap aṣfar (أَصْفَر) anu hartina "konéng". Dina basa Inggris ditulis minangka saffron, dicokot tina basa Perancis Kuna safran anu asalna ti basa Latin safranum.