Sentég
Sentég (mousetrap) nyaéta pakakas (pitapak) anu dipaké pikeun néwak beurit.[1]Urang Lampung nyebut kana senteg téh gerubing atawa sebeti.[2]Sentég ilaharna dipaké néwak beurit anu aya di imah, beurit sawah jeung beurit kebon biasana diracun atawa ngahaja diboro babarengan mangsa usum tandur atawa saméméh melak tatanén.[3]
Cara gawé sentég taya lian ngadempét atawa ngurungan beurit anu kaparengan bongoh tur ngahakan eupan anu disadiakeun dina sentég nepi ka teu bisa ngejat deui.[4] Sentég ditunda dina tempat anu remen katempo aya tapak beurit ngaliwat atawa pangulinanna saperti di pawon, goah, leuit, jeung sajabana.[1] Sangkan beurit kataji tur nyampeurkeun kana sentég, kudu dieupanan ku dahareun anu dipikaresep ku beurit saperti: roti, kalapa, lauk, keju, jeung sajabana.[4] [1]
Sentég mimiti dipaténkeun ku William C. Hooker di Abingdon, Illinois, kalayan meunang nomer patén AS 528671 pikeun wujud (design) dina taun 1894.[5] Tuluy éta pamanggihna disampurnakeun ku John Mast taun 1899, ngarobah hasil rarancang Hooker palebah panyepét beurit sangkan henteu ngabalukarkeun ramo jalma henteu milu kacepét atawa raheut.[6] Sagigireun kitu ogé panyepétna leuwih gampang mangsa ngaleupaskeun beuritna, hak patén tina ieu parobahan ditarima ti pamaréntah Amerika di Lititz, Pennsylvania.[6]
Dicutat tina édit
- ↑ a b c Irving, John (2006). Tangan keempat. Jakarta: Gramedia Pustaka Utama. ISBN 9789792220384.
- ↑ Endjat Djaenuderadjat, Rumtiyati B., Johny Siregar, Fachruddin (1992). Senjata tradisional Lampung. Jakarta: Departemen Pendidikan dan Kebudayaan, Direktorat Jenderal Kebudayaan, Direktorat Sejarah dan Nilai Tradisional, Proyek Penelitian, Pengkajian dan Pembinaan Nilai-Nilai Budaya.
- ↑ Monk Kidd, Sue (2011). The Secret Life of Bees. Jakarta: GagasMedia. ISBN 9789797806002.
- ↑ a b Ismaya, bayu; Tuti Wibisono, Nurhidayat (2006). Tangan keempat. Jakarta: Niaga swadaya. ISBN 9789792636215.
- ↑ "United States Patent Office" (PDF). google.doc. 1894-11-06. Diakses tanggal 2017-08-01.
- ↑ a b "Patent of John M Mast (1903) improving the patent of Hooker (1894)". Diakses tanggal 2017-08-30.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |