Sieur
| Sieur | |
|---|---|
| |
| Sieur hayam | |
| Klasifikasi ilmiah | |
| Karajaan: | |
| Filum: | |
| Kelas: | |
| Subkelas: | |
| Ordo: | |
| Kulawarga: | |
| Génus: | |
| Spésiés: | O. bursa
|
| Ngaran binomial | |
| Ornithonyssus bursa (Berlese, 1888)
| |
Sieur disebut ogé tungau (Ornithonyssus bursa) nyaéta sato leutik pisan anu hirupna numpang dina bulu hayam, manuk, jeung unggas séjéna[1].
Sieur bagian tina ordo Mesostigmata kelas Acari jeung kelas Archnida. ''Spesies'' ieu mibanda suku opat pasang, panjang awakna 0.7-1.0 mm, lebarna 0.25-0.49 mm. Pangawakan lonyod kelirna semu konéng, mangsana geus ngégél tur ngenyot getih hayam, palebah beutengna robah kelirna jadi semu beureum[2].
Pedaran
éditSieur biasana loba kapanggih dina hayam mangsa keur nyileungleum[3]. Sieur dina hayam hirupna ektoparasit anu bisa hirup tur baranahan, utamana dina kandang anu kurang dijaga kabersihana, nepika kiwari geus kanyahoan aya 7 rupa kutu anu milu hirup tur ngaganggu ka hayam, kutu anu sok nyeuseup getihmah tacan aya kapanggih.[4] Sieur jeung kutu hayam kacida ngaganggu ku lantaran ngégélan kulit, jeung bulu hayam. Kutu jeung sieur ieu mangrupa parasit anu maneuh dina hayam, henteu pipindahan atawa ninggalkeun pangeunteupana (hospes) kajaba pindah ka hayam séjén anu leuwih ngora [5].
Ngabasmi sieur
éditBiasana sieur eunteup tur hirup dina hayam anu keur nyileungleum [6], Sieur bisa dibasmi ku jalan meresihan kandang sangkan ulah kotor, tuluy semprotkeun saeutik minyak tanah. di mana perlu maké racun (insektisida), ulah anu ngabalukarkeun racun ka hayam komo deui kamanusa, contona Coumaphos 0.25%, bisa waé hayamna dimandian maké cai anu dicampur walirang, atawa campuran carbaryl 2 gram dina leter cai.[7]
Nyingkahkeun sieur bisa waé cukup ku ngaduruk rarapén urut nyileungleum hayam, bisa ogé maké cai kamper dicampur jeung cai bako.[8]
Baranahan sieur
éditEndog sieur kelirna bodas semu konéng, nincak mangsana megar jadi anak sieur kurang leuwih 2-3 poé. Saméméh jadi sieur déwasa anak sieur baris ngalaman ganti kulit jadi “deutonimfa” dina waktu kurang leuwih 5-7 poé.[2], sieur bikang beurat awakna 0.043 mg, bisa ngaronjat kana 0.077 mg di mana geus nyeuseup getih hayamunggas anu dicicinganna, ieu sarua jeung 1.8 kali beurat awakna [2]. Hayam anu kaserang panyakit sieur, utamana hayam anakna (ciak) bakal némongkeun ciciren bulu-buluna kotor utamana dina jangjang, hulu jeung pamatukna[2].
Tutumbu kaluar
éditDicutat tina
édit- ↑ Rigg Jonathan, A Dictionary of the Sunda Language of Java, A Dictionary of the Sunda Language of Java, Ditempo 22 Mei 2016
- ↑ a b c d Sieur ngenyot getih hayam
- ↑ Sumarsono Tatang, Mahér basa Sunda,Geger Sunten, 1995, kaca 849, Ditempo 22 Mei 2016,
- ↑ Kutu hayam di kandang, Kanisius, Pengendalian Hama Dan Penyakit Ayam, 1992
- ↑ Rahayu HS, Prof. Dr. Iman .Ir, M.S. ,Sudaryani Titik Ir. ,Santosa. Hari Santosa Ir, PANDUAN LENGKAP AYAM,Penebar Swadaya Grup, ditempo 22 Mei 2016
- ↑ Sieur ngaganggu hayam anu nyileungleum
- ↑ Kanisius, Beternak Ayam Kate Emas
- ↑ Nyingkahkeun sieur kujalan diduruk rarapen urut nyileungleumna
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |