Sosis
Sosis nyaéta kadaharan anu dijieun tina daging hayam, daging sapi, daging babi, jeung sajabana anu geus digiling, dilembutkeun sarta dibéré bungbu, dibungkus anu bentukna buleud panjang kawas peujit sato dina kaayaan atah atawa dikulub.[1]
Cara Nyieunna
édit
Nalika masak sosis aya sawatara tahap anu kudu dipigawé, nyaéta kyuring, nyieun adonan, ngeusian solongsong, ngulub, sarta digodog.[1] Mimitina daging hayam dibersihkeun tuluy dipisahkeun ti tulangna sarta diiris lembut.[1] Sanggeus éta daging hayam, uyah, és batu, jeung Phosmix MP dihjikeun dina blénder.[1] Lemak, tipung sagu, susu skim, bungbu, sarta sésa és diasupkeun kana blénder, tuluy giling bari ditambahkeun minyak goréng.[1] Adonan anu geus digiling lemes salila ieu, tuluy ditambahan squit anu bagian tungtungna geus dipasang casing, atawa maké mesin Filling sosis.[1] Sanggeus éta adonan diasupkeun kana casing, tuluy talian tungtung casingna maké benang.[1] Adonan nu geus diasupkeun kana casing dikulub dina suhu 60 0C salila 45 menit.[1] Nalika ngulub, usahakeun suhu tetep stabil salila 45 menit, maké térmométer.[1] Sosis anu geus asak bisa bisa langsung didahar.[1]
Nilai Gizi
éditSosis mangrupa produk olahan daging ni miboga kandungan nilai gizi nu hadé.[2] Komposisi gizi sosis béda-béda gumantung kana jenis daging nu dipakéna.[2] Produk olahan sosis kaya énérgi jeung bisa dipaké salaku sumber karbohidrat.[2] Katangtuan kualitas sosis dumasar Standar Nasional Indonesia (SNI 01–3820-1995) nyaéta: kadar cai maksimal 67 persen, abu maksimal 3 persen, protéin minimal 13 persen, lemak maksimal 25 persen, sarta karbohidrat maksimal 8 persen.[2]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |