Buka ménu utama

(Ing. stanza<Lat. stare ngadeg, nagtung)

Anu disebut stansa, atawa stanza, nyaéta sarakit padalisan-padalisan puisi, biasana opat-opat atawa leuwih polana angger, mangrupa bagian tina sagamblengna puisi.[1] Dina wacana tinulis antar stansa téh dicitakna atawa ditulina direnggangkeun (aya rohang); dina basa Itali basa stanza téh ngandung harti tempat pangeureunan.[1] Bisa disaruakeun jeung istilah pada (dina guguritan).[1] Biasana padalisan-padalisan dina stansa téh angger pola wirahmana, panjangna méh sarua, angger jumlahna.[1] Dumasar kana prékwénsi makéna, réana pdalisan dina stansa (pada), dina sastra inggris ilahar aya nu disebut (1)couplet, atawa kuplét, dua-dua padalisan, (2)tercet atawa triplét, tilu-tilu padalisan, purwakanti laraswekas, (3)terze rima, sawanda jeung triplet, tapi purwakantina pacorok a b a, b c b, c d c, (4)quatrain, opat-opat padalisan. pang populérna, (5)rhyme royal, (6)ottava rima, dalapan-dalapan padalisan, purwakanti tina abababcc, (7)Spenserian stanza (dumasar kana sajak-sajak Edmund Spenser). Kailaharan ngarakit padalisan kitu wandana dina sastra Sunda ogé geus jadi tradisi.[1]Bandingkeun jeung wawangsalan, rarakitan,[1]

RujukanÉdit

  1. a b c d e f Iskandarwassid (2015). Kamus Istilah Sastra Sunda. Bandung: Geger Sunten. ISBN 978-602-7785-78-6.