Urut wangunan Kasultanan banten, tempat Sultan Ageng Tirtayasa nyangking kalungguhana.

Sultan Ageng Tirtayasa atawa Abdul Fatah nyaéta Sultan Banten nalika yuswa 20 taun.[rujukan?] Sultan Ageng Tirtayasa digumelarkeun di Banten nalika taun 1631, maot di Batavia taun 1692.[1] Sultan Ageng Tirtayasa minangka gelar ti Kasultanan Banten.[2] Sultan Ageng Tirtayasa boga kawijakan yén rahayat Banten pikeun nolak gawé bareng jeung VOC (Walanda).[2]

BiografiÉdit

Sultan Ageng Tirtayasa boga ngaran séjén ogé nyaéta Pangéran Surya.[3] Nalika ramana maot, anjeuna diangkat jadi Sultan Muda nu gelarna Pangéran Ratu atawa Pangéran Dipati.[3] Sanggeus akina maot, anjeuna diangkat jadi sultan kalwan gelar Sultan Abdul Fathi Abdul Fattah.[3] Taun 1655 Sultan Ageng Tirtayasa jeung rahayat Banten ngarasa perlu pikeun ngahalangan padagangan Walanda di Banten ku cara ngaruksak kapal Walanda.[2] Walanda ngarasa perlu ogé ngahasut Pangéran Haji, putrana Sultan Ageng Tirtayasa pikeun ngamusuhan ramana sarta disebut leuwih percaya ka adina Pangéran Purbaya.[2]

Mangsa harita, rahayat Banten kabagi dua antara Sultan Ageng Tirtayasa jeung Walanda nu dibantuan ku Sultan Haji.[1] Gawé bareng antara Walanda jeung Sultan haji ngahasilkeun éléhna Sultan Ageng Tirtayasa.[1] Taun 1683, Sultan Ageng Tirtayasa diasingkeun ka Batavia tuluy maot taun 1692.[1] Sultan Ageng Tirtayasa diangkat jadi Pahlawan Nasional taun 1970 kalawan Surat Keputusan (SK): No.045/TK/Tahun 1970, Tgl. 1 Agustus 1970.[1]

RujukanÉdit

  1. a b c d e Tim Media Pusindo. 2008. Pahlawan Indonesia. Jakarta: Media Pusindo
  2. a b c d Hendarsah, Amir. Kisah Heroik Pahlawan Nasional Terpopuler. Jakarta: Galangpress Group.  ISBN 9797467139.ISBN 978-979-746-713-5
  3. a b c Waranurastuti, Venti. 2013. RIPUT Rangkuman Ilmu Pengetahuan Umum Terlengkap. Jakarta: Dunia Cerdas