Tadarus asalna tina kecap basa Arab darosa-yadrusu nu hartina diajar, nalungtik, jeung maluruh. Tuluy katambahan huruf ta robah jadi tadaarosa-yatadaarosu, anu hartina silih diajar kalayan tingkat pamahaman anu leuwih jero. Tadarus mangrupa masdar nu wazanna tafa'ala lil musyarokah hartina milampah kalawan babarengan. Jadi tadarus téh ngaji kalawan babarengan, ari ngajina lain sakadar maca, tapi neuleuman ma'na kalawan gemet. Kadieunakeun malah dipikawanoh istilah ngaderes nu hartina méh sarua jeung diajar kalawan waktu anu maneuh.[1]

Tadarus babarengan.

Mangpaat édit

Tadarus utamana dina bulan puasa miboga mangpaat ieu di handap.[2]

  • Meunang pahala anu manglipet-lipet
  • Ngaraketkeun ukhuwah Islamiyah
  • Jiwa jadi leuwih tingtrim jeung tenang
  • Meunang syafaat dina poé kiamat.
  • Ngajauhan dosa ghibah (ngomongkeun batur)

Rujukan édit

  1. Widayati, Rully. "Ini Arti Istilah Tadarus Al-Quran Sebenarnya". Tempo. Diakses tanggal 2019-05-11. 
  2. Times, I. D. N.; ustman, eliza. "5 Manfaat Tadarus Alquran di Bulan Ramadan, Panen Pahala". IDN Times (dalam Indonesian). Diakses tanggal 2019-05-11.