Urin

Cikiih atawa urin mangrupa runtah cair nu dikaluarkeun nalika kiih, diékskrésikeun tina ginjal salaku hasil nyaring getih.

sampel cikiih manusa dini hiji tabung

Kandungan

Tina ginjal, cikiih téh dialirkeun ngaliwatan urétér ka kantong urin (urinary bladder), sarta lajeng dikaluarkeun mun geus pinuh. Cikiih téh leyuran cai nu ngandung runtah métabolik (misalna uréa), uyah leyur, jeung bahan-bahan organik. Cairan jeung bahan nu disaring ku ginjal téh asalna tina getih atawa cairan jaringan. Kandunganana dikurangan dina prosés réabsorpsi molekul-molekul nu dipikabutuh kénéh ku awak, misalna glukosa, diserep deui kana aliran getih maké molekul pangakut. Cairan sésana padet ku uréa jeung zat-zat nu bisa jadi racun mun tetep aya dina jero awak. Ti ginjal, cikiih téh ngalir ka urétér, kantong urin, sarta ahirna urétra.

Warna

Warna cikiih nu hérang, semu konéng, atawa konéng semu oranyeu (biasana mah alatan dehidrasi) téh alatan ayana pigmén urokrom, hasil dégradasi bilirubin, jeung urobilin. Warna nu béda bisa dihasilkeun sanggeus asupna sarupaning katuangan nu ngandung bétasianin (tina bit beureum) atawa tina ubar. Gangguan dina sistim urin, utamana tatu jero, bisa ngabalukarkeun hématuria (getih dina cikiih).

Rujukan

• Definition of oliguria and anuria
• Hermogenes on urine

Baca ogé

• Kiih

Tumbu kaluar

• Urine formation, excretion and osmoregulation. Archived 2006-07-02 di Wayback Machine
• Urinanalysis page Archived 2007-01-17 di Wayback Machine

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.