Wéwé Gombél nyaéta dina tradisi Jawa mah roh jahat atawa jurig anu resep nyulik atawa mawa budak leutik anu keur ulin nu ditinggalkeun ku kolotna nu teu tanggungjawab, ngan wéwé gombél ieu mah tara nepi ka nyulik atawa mawa budak, ngan saukur nyingsieunan hungkul henteu nepi ka nyilakakeun.[1] Wéwé gombél harti gemblengna mah nyaéta awéwé gémbél, saméméh maotna gélo jeung gémbél alatan dicicingkeun ku salakina.[1] Wéwé gombél méré pangajaran ka kolot budak nu ninggalkeunana ku cara nyingsieunan ku sikep jeung paripolahna ka budakna nepi ka sadar, jeung nalika geus sadar kana kasalahanana wéwé gombél bakal malikeun deui budak anu dibawana.[1]

Sajarah édit

Nurutkeun carita, wéwé gombél nyaéta roh ti hiji awéwé anu maotna maéhan manéh atawa bunuh diri alatan diudag masarakat sabab geus maéhan salakina.[2] Lumangsungna éta kajadian téh sanggeus salakina salingkuh jeung awéwé séjén.[2] Alatan salakina salingkuh téh sabab istrina gabug (mandul) atawa teu bisa boga budak anu banget dipikahayang ku salakina.[2] Ahirna manéhna dijauhan jeung dibendu ku salakina tuluy dicicingkeun nepi ka jadi gélo jeung gémbél.[2] Matak nepi ka ayeuna masarakat percaya yén wéwé gombél téh jurig nu gélo matak sok ngaheureuyan budak leutik ogé, komo bari budak leutikna nu beuki ulin nepi ka wanci sareupna.[2] Biasana ieu jurig téh sok nyumput dina tangkal awi nu hieum kacida jeung tara kasambat atawa jarang kacabak ku jalma.[1]


 


Referensi édit

  1. a b c d Wikanjati, Argo.2010.Kumpulan Kisah Nyata Hantu di 13 Kota.Yogyakarta:Penerbit Narasi
  2. a b c d e Lee R. The Almost Complete Collection of True Singapore Ghost Stories. edisi 2. Singapura: Flame of the Forest, 1989.