Abah Anom (Suryalaya)
 |
Artikel ieu teu boga rujukan sumber nu bisa dipercaya jadi eusina teu bisa divérifikasi. Pitulung ngabenerkeun artikel ieu kalawan nambihkeun rujukan nu bener. Artikel nu teu bisa divérifikasi bisa dihupus ku Kuncén. |
Abah Anom (lahir di Tasikmalaya, 15 Januari 1915), Kiai Kahot, Pamingpin Pasantrén Suryalaya di Tasik.[rujukan?] Ngaran pituinna Shohibulwafa Tadjul Arifin.[rujukan?] Disebut Abah Anom ogé alatan sepuhna nu kawentar ku sebutan Abah Sepuh. Mangsa budakna, Tajul Arifin téh kungsi sakola di Vervolgschool di Ciamis (1928), tuluy diajar di pasantrén-pasantrén nu aya di sabudeureun Ciamis jeung Tasikmalaya.[rujukan?] Sanggeus diajar élmu hikmah ti ramana, anjeunna mangkat haji. [rujukan?]
Taun 1950, nalika yuswa anjeunna 35 taun anjeunna mingpin pasantrén Suryalaya.[rujukan?] Dina mangsa kamerdékaan, ieu pasantrén kungsi jadi panyalingkeran A.H. Nasution, Solihin G.P, jeung Umar Wirahadikusumah.[rujukan?] Kiwari ieu pasantrén kawentar minangka Puseurna Tarékat Qodiriyyah Naksabandiyyah (TQN) di Indonésia.[1]
Karyana anu paling nyongcolang taya lian nyaéta konsep zikir pikeun ngubaran korban kacanduan narkoba.[rujukan?] Ti taun 1980-an, pasantrén nu diluluguanana narima korban narkoba atawa barudak anu bangor pikeun diaping.[rujukan?] Diapingna téh dilakonan ku cara ngamalkeun zikir. Hasilna, rébuan rumaja bisa cageur deui, malah taro'at ka Allah swt.[rujukan?] Sanajan aya ogé anu teu beunang dicageurkeun, tatapina program ieu (Inabah) kiwari geus kawentar nepi ka mancanagara.[rujukan?]
Catetan
édit- ↑ Ajip Rosidi (ed.) (2003) Apa Siapa Orang Sunda. BandungL Kiblat Buku Utama
|
Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |