Ahmad Héryawan (éjahan asli: Ahmad Heryawan, gumelar di Sukabumi, 19 Juni 1966; umur 57 taun) nyaéta saurang pulitikus Indonésia sarta gubernur propinsi Jawa Kulon nu ayeuna keur ngajabat. Taun 2008, Ahmad Héryawan kapilih jadi Gubernur Jawa Kulon pikeun période 2008-2013 babarengan jeung wawakilna Dédé Yusuf.

Ahmad Heryawan
Gubernur Jawa Kulon ka-14
Masa jabatan
13 Juni 2008 – 13 Juni 2018
Présidén Susilo Bambang Yudhoyono
Joko Widodo
Wakil Gubernur Dédé Yusuf
Déddy Mizwar
Saméméhna Danny Setiawan
Sanggeusna Mochamad Iriawan (Pj.)
Ridwan Kamil
Katerangan lian
Gumelar 19 Juni 1966 (1966-06-19) (yuswa 57)
Sukabumi, Jawa Kulon
Partéy pulitik PKS
Pameget/istri Netty Prasetiani
Alma mater LIPIA
Ageman Islam
Ramatloka www.ahmadheryawan.com

Biografi édit

Ahmad Héryawan babar di Sukabumi 19 Juni 1966. Atikan ti tingkat SD nepi ka SMA dianggeuskeun di Sukabumi, sedengkeun tingkat sarjana di Fakultas Saréat LIPIA Jakarta taun1992.Ahmad heryawan lahir di sukanumi,Jawa Kulon tanggal19 juni taun 1966.

Anjeunna jadi anggota DPRD DKI Jakarta 1999, ayeuna manéhna ogé aktip ngabina di sawatara yayasan sosial, pemberdayaan balaréa sarta lingkungan. Sajaba minangka pulitikus sarta mubalég, Ahmad Héryawan kungsi ngajar di sawatara paguron luhur. Ahmad Héryawan nyekel kalungguhan minangka Pupuhu Umum PB Persatuan Umat Islam (PUI) saprak taun2004-ayeuna, saterusna anjeunna nyekel kalungguhan Wawakil Pupuhu DPRD Propinsi DKI Jakarta période 2004-2009.

Taun 2008, Ahmad Héryawan kapilih jadi Gubernur Jawa Kulon pikeun période 2008-2013 minangka calon ti Partai Keadilan Sejahtera (PKS) babarengan jeung wawakilna Dédé Yusuf, urut aktor sarta anggota DPR ti PAN.

Pilkada Jawa Kulon 2008 édit

Milangkala ngahadép ka acara pemilihan kepala daerah (gubernur) kanggo propinsi Jawa Kulon nu bade dilangsungkeun taun 2008, Partey Kéadilan Sejahtera ngusahakeun tiasa koalisi sareng sabaraha hiji partey nu aya di DPRD Jawa Kulon, nu tujuanna supaya tiasa nyandak salah sahiji kader ti parteyna janten Wakil Gubernur di pilkada taun 2008.

ku lantaran partey-partey nu rencana diajak koalisi ku PKS, ngusung calon masing masing, nyaéta Partey Golkar nu koalisi jeung Partey Demokrat ngusung pasangan gubernur incumbent Danny Setiawan jeung Iwan Ridwan Sulandjana, teras PDIP nu koalisi jeung PPP ngusung pasangan Agum Gumelar jeung wakil gubernur incumbent Nu'man Abdul Hakim, maka PKS pun akhirnya ngawanikeun manéh ngusung calonna sorangan janten gubernur, calonna nyaéta Ahmad Heryawan nu keur ngajabat janten Wakil Ketua DPRD DKI Jakarta, di mana kanggo posisi wakil gubernur, PKS ngajak PAN koalisi terus nempatkeun artis Dede Yusuf atawa Yusuf Macan Effendie janten calon wakil gubernur.

Hasil itungan pilkada gubernur Jawa Kulon ieu, méré kejutan yén pasangan Ahmad-Dede nu tadina underdog tiba tiba mimpin perolehan pilkada ku 40% leuwih sora ngéléhkeun pasangan Agum-Nu'man di posisi kadua jeung Danny-Iwan di posisi terakhir.

Hasil ieu nganteurkeun Ahmad Héryawan janten gubernur Jawa Kulon nu katilubelas ngagentos pa Danny Setiawan.

Organisasi édit

  • Pupuhu Majelis Pemuda PP PUI (1991-1999)
  • Pupuhu PP PUI Bidang Kepemudaan (1999-2004)
  • Pupuhu Umum PUI (2004-ayeuna)
  • Pupuhu Umum DPW partéy Kéadilan DKI Jakarta (1999-2003)
  • Anggota Dewan Syariah DPP partéy Kéadilan (2000-2001)
  • Pupuhu Umum DPW PKS DKI Jakarta (2003-2006)
  • Pupuhu Majelis Pertimbangan Wilayah PKS DKI Jakarta (2006-ayeuna)
  • Anggota Komite Pengawas BAZIS DKI Jakarta (2002-2005)
  • Pupuhu Komite Pengawas BAZIS DKI Jakarta (2005-ayeuna)
  • Pupuhu Dewan Pendiri Yayasan Empati Sesama (2001-2006)
  • Pupuhu Dewan Pembina Yayasan Empati Sesama (2006-ayeuna)
  • Pupuhu Dewan Pengawas Yayasan Insan Madina (2006-ayeuna)
  • Anggota Dewan Pembina GOKASI DKI Jakarta (2005-ayeuna)
  • Anggota Forum Silaturahim Masyarakat Betawi (2005-ayeuna)
  • Anggota Kaukus Lingkungan (2006-ayeuna)

Karir édit

  • Dosen Lembaga Dakwah Islam Alhikmah
  • Dosen Universitas Ibnu Khaldun
  • Dosen teu tetep FE Extention UI
  • Pupuhu Fraksi partéy Kéadilan DPRD DKI Jakarta taun 1999-2004
  • Anggota Panitia Anggaran DPRD DKI Jakarta taun 1999-2004
  • Anggota Komisi C Bidang Anggaran DPRD DKI Jakarta taun 1999-2002
  • Anggota Komisi E Bidang Kesejahteraan Rakyat DPRD DKI Jakarta taun 2002-2004
  • Wawakil Pupuhu DPRD DKI Jakarta taun 2004-2009
  • Gubernur Jawa Kulon 2008-ayeuna

Tumbu luar édit

Saméméhna
Danny Setiawan
Gubernur Jawa Kulon
2008 – kiwari
'Ngajabat