Akrotiri jeung Dhékélia
 |
Artikel atawa bagian artikel ieu butuh leuwih loba réferénsi sangkan pasti. Mangga bantos ngédit artikel ieu kalawan nambihkeun réferénsi. |
Akrotiri, ogé disebut "Aréa Pangkalan Kawasa Kulon" (Western Sovereign Base Area/WSBA) jeung Dhékélia, ogé disebut "Aréa Pangkalan Kawasa Wétan" (Eastern Sovereign Base Area/ESBA), mangrupa dua Aréa Pangkalan Kawasa Britania (UK Sovereign Base Area/SBA) di Siprus, urut Koloni Makuta Britania. Akrotiri aya di bagian kidul Siprus, deukeut kota Limassol. Dhékélia aya di bagian tenggara, deukeut Larnaca. Kadua wewengkon éta miboga pangkalan militér, taneuh tatanén, jeung padumukan. Akrotiri dikurilingan ku wewengkon Républik Siprus, lamun Dhékélia tepung wates jeung zona panyangga Sarikat Bangsa-Bangsa jeung wewengkon Républik Turki Siprus Kalér.
Pasukan garnisun Britania ditempatkeun di ditu salaku wangun patahanan. Salian ti éta, aya ogé listening post (pos pikeun ngadéngékeun kaayaan musuh) jeung sahiji-hijina stasion RAF (Angkatan Udara Britania) nu panglengkepna di wewengkon Méditérania (sabab di Gibraltar euweuh pangkalan pesawat permanén), RAF Akrotiri. Britania ogé ngintunkeun pasukanna dina PBB nu ditugaskeun di Siprus. Sakabéh personél Britania di Siprus nepi ka 3.500 urang.
Hukum sipil dipakékeun ku otoritas sipil Britania, tapi leuwih mimilu modél hukum Républik Siprus. Loba wargi Siprus nu gawé di SBA, utamina pikeun otoritas Britania atawa salaku patani jeung padagang. Tapi ngan urang Siprus nu mibanda jaringan lokal (local connection) nu diijinkeun nyicing di ditu, kawas aranjeunna nu ngadumuk di désa Akrotiri atawa di gigir désa tatanggi deukeut pangkalan. Salian ti éta, désa Xylotimbou jeung Ormidhia di Républik Siprus mangrupa énklave nu dikurilingan ku SBA Dhékélia.
Pangkalan Kawasa di Siprus kaasup kana wewengkon luar nagri Britania, tapi sanésna dipingpin Gubernur, kawas téritorial nu séjén, SBA di Siprus dipingpin ku Administrator, nu ditunjuk ku Ratu, tapi boga tanggung jawab ka Kamenterian Patahanan, lain ka Kantor Luar Nagri jeung Pasamakmuran.
Tumbu kaluar
édit
|
Artikel ngeunaan géografi ti hiji nagara atawa wewengkon ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |