Énklave
Énklave atanapi daérah kantong nyaéta nagara/bagian nagara nu dikurilingan ku wewengkon nagara lian.
Nagara énklave
édit
Sababaraha énklave mangrupa nagara daulat nu sakabéh wewengkonna dikurilingan ku nagara lian, jadina teu bisa disebut éksklave. Ngan aya 3 nagara éksklave nyaéta:
- Républik San Marino, dikurilingan ku Italia
- Vatikan, dikurilingan ku kota Roma, Italia
- Karajaan Lésotho, dikurilingan ku Afrika Kidul.
Nagara basisir
éditSababaraha énklave mangrupa nagara nu dikurilingan ku nagara lian, kajaba dina hiji bagian di mana nagara éta miboga aksés ka cai leupas (contona: laut) liwat basisir leutikna. Contona:
- Républik Gambia, dikurilingan ku Sénégal, miboga jalur basisir sapanjang 50 km ka Samudra Atlantik.
- Kasultanan Brunéi, dikurilingan ku Malaysia Wétan, miboga aksés ka Laut Cina Kidul.
- Kapangéranan Monako, dikurilingan ku Perancis, miboga aksés ka Laut Tengah.
Sanajan Portugal, Koréa Kidul, jeung Irlandia wawatesan jeung ukur hiji nagara, maranéhna miboga aksés ka cai internasional nu lumayan luas jadina teu bisa dilandi énklave.
Bagian basisir
éditSababaraha wewengkon teu bisa didatangan ti nagarana iwal langkung cai internasional. Wewengkon-wewengkon ieu bisa dianggap salaku peupeusan nu kapisah (detached fragment) ti hiji nagara tinimbang disebut énklave, sabab wewewngkon-wewengkon éta teu bisa minuhan sarat nu ngaharuskeun wewengkonna katutup sakabéhna ku wewengkon nagaara lian. Contona:
- Kota Céuta jeung Mélilya, duannana piboga Spanyol, di basisir kalér Maroko.
- Gibraltar, jajahan Britania di basisir kidul Spanyol.
- Oecussi-Ambeno, bagian ti Timor Lésté nu aya di Timor Kulon, Indonésia, bisa diaksés langkung laut.
- Kabinda, wewengkon Angola nu dilingkung di antawis Républik Démokratik Kongo jeung Kongo.
- Kaliningrad, wewengkon Rusia nu aya antawis Polandia jeung Lituania. Saméméh Perang Dunya II, Kaliningrad mangrupa bagian ti propinsi Prusia Wétan, Jérman.
Tingali ogé
édit- Éksklave - wewengkon hiji nagara nu kapisah ti wewengkon utama nagara éta.