Basisir Rancabuaya

Basisir Rancabuaya nyaéta salah sahiji objék wisata mangrupa basisir nu di Kabupatén Garut, Jawa Kulon, Indonésia. Ieu basisir boga batu-batu karang gedé nu wawatesan langsung jeung Samudra Hindia. Ombakna cukup gedé, kalayan loba karang sahingga kurang cocog keur ngojay. Basisir Rancabuaya mémang kurang promosi sahingga kurang pati kasohor. Tapi ieu basisir boga poténsi pelesir nu cukup gedé alatan aksés jalan nu cukup lancar tur mulus sahingga gampang didatangan. KIwari terus diayakeun pangwangunan infrastruktur anyar. Basisir Rancabuaya mangrupa basisir palabuan sahingga urang bisa meunang lauk langsung ti pamayang atawa ti warung sabudeureun basisir. Status milik tina lemah nu aya di wewengkon basisr Rancabuaya nyaéta 70% mangrupa tanah milih sarta sésana mangrupa tanah désa. Nu ngokolakeun ieu basisir nyaéta kelompok panggerak pariwisata (kompepar) ti masarakat satempat.

Basisir Rancabuaya, Garut Kidul, Jawa Kulon, Indonésia

Lokasi

Basisir Rancabuaya perenahna di Désa Purbayani, Kacamatan Caringin, Kabupatén Garut, Jawa Kulon, Indonésia. Béh kalér wawatesan jeung Désa Caringin, béh kidul wawatesan jeung Désa Indralayang, béh wétan wawatesan jeung Désa Sinarjaya, sarta béh kulon wawatesan jeung Jaladri Hindia.

Aksésibilitas

Keur nuju ka basisir Rancabuaya, urang bisa maké sababaraha alternatif jalan ;

• Jalur Garut - Pameungpeuk - Rancabuaya . Ieu jalur ngaliwatan kota Garut heula kalayan kondisi jalan nu cukup hadé.
• Jalur Bandung - Pangaléngan - Rancabuaya. Ieu jalur kondisi jalanna hadé tur geus dihotmix dina ampir satengah jalanna. Mangrupa jalur nu keur dihadéan tur diwangun.
• Jalur Bandung - Ciwidéy - Cidaun - Rancabuaya. Ieu jalur ngaliwatan Bandung Kidul. Sabagian tina ieu jalur maké jalan peuntas kidul Jawa Kulon nu nyusud sapanjang basisir wewengkon Jawa Kulon.

Transportasi umum nu aya nyaéta angkutan umum mangrupa élf ti terminal kota Garut jeung ti Pangaléngan.

Fasilitas pangrojong

• Tempat parkir nu cukup lega
• Léséhan khas wewengkon basisir nu cukup loba
• Panginepan katut villa nu bisa diséwa
• Saung-saung wisata nu bisa diséwa
• Aksés jalan nu hadé sarta fasilitas lianna.

Hal séjén nu perlu diinget nyaéta réhna ieu basisir alami kénéh tur jauh tina polusi.

Tumbu luar

• garutkab.go.id Archived 2015-08-05 di Wayback Machine
• Pantai Rancabuaya