Bonang nyaéta waditra tradisional anu kaasup kana perangkat gamelan[1]. Ieu waditra dimaénkeun ku cara ditakol maké panakol husus keur bonang[1]. Bonang mangrupa waditra anu hampir sarua jeung goong nyaéta bentukna nonjol (disebut penclon), tapi leuwih leutik[1]. Bonang asal kecapna tina kecap Bo=Bobo/ saré jeung nang= benang. Mun ditingali cara masangna, penclon-penclon bonang disimpen di Luhur benang-benang[1]. Bonang disebut ogé kolénang anu mangrupa akronim ti; Nakol- Balé-balé- Benang, ahrtina “Nakol nu aya dina balé-balé nu maké benang. Ancak bonang siga tempat diuk anu maké benang[1]. Sacara umum, bonang téh aya dua, nyaéta bonang barung jeung bonang panerus, bédana ari bonang panerus mah saoktaf leuwih luhur batan bonang barung najan sacara bentuk mah ampir sarua[2].

Lalaki maén bonang
Bonang saméméh taun 1928

Bahan jeung Rancang wangunÉdit

Penclon BonangÉdit

Penclon bonang anu jadi sumber sora dijieun tina bahan beusi atawa perunggu. Bonang anu alus mah dijieun tina perunggu. Ngaran-ngaran babagian penclon bonang di antarana: penclon, raray, amis cau[1].

Ancak BonangÉdit

Ancak bonang dijieun tina kai, sedengkeun benang disusun ngaranteng dina kai sangkan penclon bisa disimpen di Luhureun tali bonang[1]. Papasingan ancak bonang di antarana: pongpok nyaéta ujung pangkal ancak, palipid nyaéta wilahan kayu di Luhureun pongpok, minangka hahalang penclon-penclon, papalayu nyaéta bagian hareup jeung tukang waditra, benang-benang (tali) dipaké pikeun nyanggah penclon, jeung soko nyaéta kai anu jadi suku waditra[1].

ReferensiÉdit

  1. a b c d e f g h Kubarsah. R, Ubun.1994.Waditra : mengenal alat-alat kesenian daerah Jawa Barat.Bandung:Beringin Sakti
  2. (en)about bonang (diaksés tanggal 17 Oktober 2011)

Tutumbu kaluarÉdit