Braga féstival nyaéta hiji kagiatan nu diayakeun di Kota Bandung.[1] Pamaréntah Kota Bandung sacara rutin ngayakeun Braga féstival saprak taun 2005.[1] Kagiatan ieu jadi ritual kota bandung nu ditungguan tiap taunna.[1] Braga féstival ngagambarkeun kréativitas nu aya di Kota Bandung jeung Jawa Barat.[1] Braga mangrupa representasi ti kakuatan kréativitas ieu, utamana ngeunaan ajén-inajén boh karya-karya seni, produk industri kréatif, fashion, sarta kulinér.[1] Braga féstival ogé salaku upaya pikeun ngahudangkeun atawa ngaramékeun Jalan Braga nu sacara historis na pernah meunang landihan De meest Europeessche winkel straat van Indie nu hartina jalan perbelanjaan bangsa éropa di sakabéh Hindia Belanda.[1] Ayeuna, Jalan Braga jadi kawasan open heritage sakaligus bisnis di Kota Bandung nu miboga daya irut boh wisatawan domestik boh mancanegara.[1]

Pintonan

Di taun 2011, Braga féstival téma na nyaéta Balik Bandung nu dilaksanakeun tanggal 23 nepi ka 25 Séptémber 2011, babarengan jeung perayaan poé tepang taunna Kota Bandung nu ka 201 nyaéta tanggal 25 Séptémber 2011.[1] féstival ieu dilaksanakeun di sapanjang Jalan Braga jeung Jalan Cikapundung timur.[1] Pembukaan Braga féstival dimimitian tabuh 18.30 WIB, nu langsung dibuka ku Walikota Bandung Dada Rosada.[2] Di aréa ieu aya sabudeureun lima belas stan, ti mimiti aksésoris, cenderamata, raksukan, kantong, nepi ka lukisan.[2]

Kagiatan édit

  • Pagelaran seni Tradisional jeung Komteporer: Atraksi Seni, sulap, fashion show, paméran seni rupa jeung sastra, pagelaran musik tradisional jeung kontemporer (Pop, Keroncong, balada, Rock, Rock'n Roll, blues, Jazz, alternatif, World music, nepi ka musik Indie).[1]
  • Paméran produk-produk kréatif, kriya, fashion, batik, Factory Outlet (FO) jeung Distro.[1]
  • Paméran Cinderamata jeung produk-produk kréatif khas kota bandung.[1]
  • Pésta Kulinér kadaharan jeung inuman khas Kota Bandung jeung Jawa Barat.[1]
  • Téater, Happening Art, Film Indie, arena kaulinan barudak, sababaraha pasanggiri, jeung sajabana.[1]


 



Rujukan édit

  1. a b c d e f g h i j k l m n Braga Archived 2011-11-26 di Wayback Machine (Diakses tanggal 23 November 2011)
  2. a b Bandung (Diakses tanggal 24 November 2011)