Bruno Mars
Peter Gene Hernandez leuwih dipikawanoh kalayan ngaran Bruno Mars (gumelar di Honolulu, Hawaii, Amérika Sarikat, 8 Oktober 1985; umur 39 taun) nyaéta saurang panyanyi, penulis lagu Amérika jeung produser musik.[1] Hirup di Honolulu, Hawaii ku kulawarga musisi.[1] Bapana, Pete urang New York nyaéta pamaén perkusi.[2] Indungna, Bernie urang Filipina turunan Puerto Rico nyaéta saurang penari hula.[2] Bruno Mars ngamimitian karier dina taun 2006, sanggeus ngabéréskeun sakolana, manéhna pindah ka Los Angeles.[2] Tuluy manéhna wawanohan jeung Aaron Bay Schuck, anu ayeuna jadi manajerna.[2]
Bruno Mars mimiti nyieun lagu nalika masih ngora kénéh.[1] Sanggeus tampil di sababaraha tempat musik di kota kalahiranana, manéhna mutuskeun hayang hirup di dunya karir musik.[1] Bruno Mars mimiti mroduksi lagu pikeun artis séjén, ngagabung kalayan tim produksi Smeezingtons.[1] Manéhna jadi artis solo sanggeus nulis lagu Nothin’ on You by B.o.B, sarta Billionaire ku Travie Mccoy.[1] Manéhna ogé nulis hits Right Round ku Flo Rida mintonkeun Kesha, Wavin Flag ku K’naan, jeung Fuck You! ku Green Lo Cee.[1] Dina bulan Oktober 2010, manéhna ngarilis album Doo-wops & Hooligans.[1] Tuluy nyieun lagu Just the Way You Are jeung Grenade.[1] Manéhna geus meunang panghargaan Grammy di 53 Grammy Awards, anu diayakeun tanggal 13 Pébruari, 2011.[1]
Rujukan
édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |