Cigugur, Pangandaran

kacamatan di kabupatèn Pangandaran, Indonèsia

Cigugur nyaéta hiji kacamatan di Kabupatén Pangandaran, Propinsi Jawa Kulon, Indonésia. Ibukota kacamatan Cigugur persisna di Kampung Palumbungan désa Cigugur. Kacamatan Cigugur diwatesan ku Kacamatan Parigi di beulah kidul ku walungan Ciwayang, beulah wetan ku Kacamatan Parigi, beulah kaler jeung kulon ku Kacamatan Langkap Lancar, belah kidul ku Kacamatan Cimerak jeung Kacamatan Cikatomas kabupatén Tasikmalaya.

Cigugur
NagaraFlag of Indonésia Indonésia
PropinsiJawa Kulon
KabupaténPangandaran
Lega-
Pangeusi18.762
Kapadetanjiwa/km²
Kode Kemendagri32.18.04
Désa/kalurahan6

Walungan gedé di kacamatan Cigugur nyaéta Ciwayang jeung Cigugur.

Sarana transportasi dilayanan ku beus tiluparapat jurusan Tasikmalaya-Cigugur jeung angkutan padésaan jurusan Parigi-Cigugur.

Sakola Dasar aya di unggal désa, malah di sababaraha désa aya sababaraha sakola dasar ku sabab legana désa. Sakola Menengah Pertama aya 3, hiji SMP Negeri Cigugur di désa Cigugur tur SMPN 2 Pagerbumi di Pagerbumi jeung hiji deui SMP Satu Atap di désa Campaka. Salian ti éta aya ogé Madrasah Tsanawiyah Swasta di désa Cimindi nyaéta MTS YBH Cimindi sareng MA YBH Cimindi, MTS Nurul Islam Kertajaya, MTs Sindang Wangi Harumandala. Salian ti éta aya ogé sababaraha pasantren di désa Cigugur jeung désa Bunisari.

Sabagéan gedé masarakatna tatanen, hasil utamana nyaéta kalapa.