Cikeruhan
Cikeruhan nyaéta tari tradisional anu dibawakeun sarta dimekarkeun di Cikeruh.[1] Cikeruh éta sorangan nyaéta hiji wewengkon di Jatinangor, Sumedang Jawa Barat. Tarianna mangrupa anu dicandak ti tingkah polah jalma jeung sasatoan.[1]
Sajarah
éditCikeruhan mangrupa seni tari pakaulan anu umurna geus buhun pisan. Mimitina lahir ti tradisi melak paré salaku wujud rasa syukur ka Dewi Sri Pohaci dina abad ka-18. dina mangsa éta jalma-jalma mapah ngangkat paré ka leuit bari ngengklak sarta nyorakeun pakakas nu aranjeunna bawa. Dina mangsa keur ngengklak, saurang pajabat Walanda anu gawé dipakébonan ngaeureunkeun aranjeunna di tengah jalan. Urang Walanda éta milu ngengklak jeung aranjeunna.[1]
Salajengna, pajabat Walanda anu gawé di kompleks pakebonan karet jeung téh di Jatinangor, sok ngulem pamusik jeung nu ngawih sarta ronggeng keur mintonkeun Cikeruhan di komplek pakebonan téh jeung karet Jatinangor. Ti dinya Cikeruhan téh jadi tari pakaulan.[2]
Cikeruhan mangrupa tari anu susunanna kawengku ku gerakan penca silat, dipirig ku ketuk tilu dibawakeun ku kaendahan koréografi jeung ekspresi ti pangibing lalaki jeung awewe. Cikeruhan ngagambarkeun rekaman mangsa baheula ti jawara anu mibanda kabiasaan senang-senang jeung pamer kakuatan dina acara kasenian sanggeus panen. Ku kituna, teu anéh lamun Cikeruhan kentel pisan ku unsur penca silatna.[3]
Catetan
édit- ↑ a b c Munajar, Nanu.1995.Deskripsi Sajian Tari Cikeruhan.Bandung: Departemen Pendidikan dan Kebudayaan, Akademi Seni Tari Indonesia.
- ↑ Caturwati, Endang.2007.Tari di Tatar Sunda.Bandung: Sunan Ambu Press
- ↑ Spiller, Henry.2010.Erotic Triangles: Sundanese Dance and Masculinity in West Java.Chicago: University of Chicago Press.